ផ្សារលក់ដុំខ្នាតធំដំបូងគេបើកលក់

ផ្សារលក់ដុំខ្នាតធំដំបូងគេបើកលក់

អ្នកចូលចិត្តការដើរទិញទំនិញនៅក្នុងប្រទេសកម្ពុជានឹងទទួលបានបទពិសោធន៍ក្នុងការទិញទំនិញបែបថៃ តាមរយៈការបើកដំណើរការនូវផ្សារម៉ាក្រូដែលជាផ្សារលក់ដុំខ្នាតធំដំបូងគេនៅកម្ពុជា។

អ្នកចូលចិត្តការដើរទិញទំនិញនៅក្នុងប្រទេសកម្ពុជានឹងទទួលបានបទពិសោធន៍ក្នុងការទិញទំនិញបែបថៃ តាមរយៈការបើកដំណើរការនូវផ្សារម៉ាក្រូដែលជាផ្សារលក់ដុំខ្នាតធំដំបូងគេនៅកម្ពុជា។

ផ្សារម៉ាក្រូដែលមានមូលដ្ឋាននៅប្រទេសថៃ និងជាផ្សារទំនើបលក់ដុំខ្នាតធំដំបូងគេនៅក្នុងប្រទេសកម្ពុជា បានបើកលក់ជាផ្លូវការនៅថ្ងៃទី១៧ ខែធ្នូ ឆ្នាំ២០១៧។

ក្រុមហ៊ុន Siam Makro ដែលប្រតិបត្តិការផ្សារទំនើបនៅក្នុងប្រទេសថៃ ពេលនេះកំពុងស្វែងរកឱកាសអាជីវកម្មបន្ថែមទៀតនៅក្នុងប្រទេសកម្ពុជា។ ម៉ាក្រូខេមបូឌា ដែលជាសាខាផ្សារលក់ដុំប្រភេទ Cash-and-Carryស្តង់ដារអន្ដរជាតិមានទីតាំងនៅទីក្រុងពោងពាយ សង្កាត់ភ្នំពេញថ្មី ភាគពាយ័ព្យរាជធានីភ្នំពេញ។ កន្លែងទិញទំនិញដ៏ធំនេះមានទីតាំងស្ថិតនៅក្នុងតំបន់ដូចគ្នានឹងផ្សារទំនើបអ៊ីអនម៉ល២ ដែលនឹងបើកដំណើរការនាពេលឆាប់ៗ និងផ្សារ E-Mart របស់កូរ៉េដែលចាប់ផ្តើមសាងសង់។

ផ្សារនេះមានកន្លែងលក់ទំហំ ១០,០០០ម៉ែត្រការ៉េលើអគារចំនួន២ជាន់ ដែលសាងសង់លើផ្ទៃដីទំហំ ៥ហិកតា។ យោងតាមសេចក្តីប្រកាសព័ត៌មានដែលចេញផ្សាយមុនការបើកសម្ពោធ ផ្សារនេះអាចចតយានយន្តបានជាង ៥០០គ្រឿង។

ម៉ាកម៉ាក្រូបានចូលក្នុងទីផ្សារកម្ពុជាក្នុងនាមជា ម៉ាក្រូខេមបូឌា តាមរយៈការបណ្តាក់ទុនរួមគ្នារវាងក្រុមហ៊ុន Siam Makro របស់ថៃ និងក្រុមហ៊ុន LYP Group Company Limited របស់កម្ពុជា។

យោងតាមក្រសួងពាណិជ្ជកម្ម ក្រុមហ៊ុន Siam Makro បានវិនិយោគទឹកប្រាក់ចំនួន ២លានដុល្លារដែលតំណាងឱ្យ ៧០ភាគរយថ្លៃចំណាយរបស់គម្រោង ចំណែកក្រុមហ៊ុន LYP Group របស់ឧកញ៉ា លី ​យ៉ុងផាត់ សេដ្ឋីកម្ពុជានិងជាសមាជិកព្រឹទ្ធសភាមកពីគណបក្សកំពុងកាន់អំណាចផងនោះ ជាអ្នកកាន់ភាគហ៊ុនដែលនៅសល់។ ក្រុមហ៊ុននេះក៏កំពុងអភិវឌ្ឍន៍ទីក្រុងបឹងពោងពាយ ដែលផ្សារនេះស្ថិតនៅ និងដែលក្លាយជាទីក្រុងរណបនាពេលអនាគតផងដែរ។

ហាងលក់ដុំដែលត្រូវបានសាងសង់ឡើងដោយក្រុមសាងសង់ជាង២០០នាក់នេះ មានបំណងក្លាយជាហាងឃ្លាំងទំនិញដ៏ធំបំផុតនៅប្រទេសកម្ពុជា ហើយផ្តល់ជូននូវផលិតផលអាហារនិងផលិតផលមិនមែនអាហារជាច្រើនប្រភេទពីទូទាំងពិភពលោកសម្រាប់សណ្ឋាគារ ភោជនីយដ្ឋាន និងប្រតិបត្តិករផ្តល់សេវាកម្មម្ហូបអាហារដើម្បីបំពេញស្តុកអាជីវកម្មរបស់ពួកគេបានយ៉ាងងាយស្រួល។

ផ្សារនេះនាំមកនូវគំនិតនៃហាង Cash-and-Carry មកកាន់ប្រទេសកម្ពុជាជាលើកដំបូង ដែលវាស្រដៀងទៅនឹងហាងលក់ដុំ Costco របស់អាមេរិក និង Metro របស់អាល្លឺម៉ង់ តែសមាជិកភាពរបស់ហាងទាំងនេះមានការរឹតត្បិតជាងផ្សារម៉ាក្រូ។

ថ្លែងនៅក្នុងពិធីបើកការដ្ឋានរបស់ ម៉ាក្រូខេមបូឌា លោកស្រី SuchadaI thijarukul នាយកប្រតិបត្តិក្រុមហ៊ុន Siam Makro បានមានប្រសាសន៍ថា ផលិតផលទាំងអស់ដែលមាននៅក្នុងផ្សារម៉ាក្រូត្រូវឆ្លងកាត់ស្តង់ដារសុវត្ថិភាពចំណីអាហារយ៉ាងតឹងរឹងនៅក្នុងខ្សែសង្វាក់ផលិតកម្មចាប់ពីកសិកររហូតដល់រោងចក្រនិងផ្សារទំនើប។ លោកស្រីបានសង្កត់ធ្ងន់ថា "នោះគឺជាការប្តេជ្ញាខ្ពស់របស់យើងក្នុងការបម្រើអតិថិជនទាំងអស់ដោយយកចិត្តទុកដាក់ពីសុវត្ថិភាពរបស់ពួកគេ"។

ផ្សារលក់ដុំនេះបានកំណត់គោលបំណងដ៏ធំរបស់ខ្លួន ក្នុងការពង្រីកសាខាឱ្យបានចំនួន៩ បន្ទាប់ពីផ្សារដំបូងទទួលបានភ្លើងបៃតងពីអតិថិជនរបស់ខ្លួន។

បច្ចុប្បន្នរាជធានីភ្នំពេញមានទីផ្សារឯកជនចំនួន៣២ និងទីផ្សារគ្រប់គ្រងដោយរដ្ឋចំនួន២៥ ប៉ុន្តែមានផ្សារទំនើបខ្នាតធំតែ២ប៉ុណ្ណោះ។ ឯកឧត្តម ប៉ា សុជាតិវង្ស អតីតអភិបាលរាជធានីភ្នំពេញបានលើកឡើងក្នុងពិធីបើកការដ្ឋានផ្សារម៉ាក្រូកាលពីខែឧសភា ឆ្នាំ២០១៧ថា “ផ្សារម៉ាក្រូថ្មីនេះនឹងដើរតួយ៉ាងសំខាន់ក្នុងការបង្កើតការងារសម្រាប់កសិករនិងឧស្សាហកម្មផលិតកម្មម្ហូបអាហារ ព្រមទាំងលើកស្ទួយស្តង់ដារសុវត្ថិភាពចំណីអាហារ។”

ផ្សារលក់ដុំខ្នាតធំដំបូងគេនេះមានទីតាំងស្ថិតនៅតំបន់ដែលមានសក្តានុពលលូតលាស់យ៉ាងឆាប់រហ័ស និងតំបន់ដែលតម្លៃអចលនទ្រព្យកំពុងកើនឡើងយ៉ាងលឿន។ លោក ហូ វាសនា អភិបាលរងខណ្ឌសែនសុខ បានប្រាប់ភ្នំពេញប៉ុស្តិ៍ថា តាមរយៈការអភិវឌ្ឍផ្សារនេះ “វាបានបង្ហាញពីសក្តានុពលក្នុងការអភិវឌ្ឍប្រទេស”។

លោកក៏បានចង្អុលបង្ហាញថា ក្រៅពីចំនួនបុរីជាច្រើនដែលកំពុងត្រូវបានសាងសង់ ខណ្ឌសែនសុខ ក៏ជាទិសដៅសក្តានុពលដ៏ខ្លាំងសម្រាប់ម៉ាកយីហោអន្តរជាតិធំៗផងដែរ។

ក្រុមហ៊ុន CP All Pcl ដែលជាហាងលក់រាយផ្តល់ភាពងាយស្រួលដ៏ធំបំផុតនៅប្រទេសថៃ គឺជាក្រុមហ៊ុនមេរបស់ក្រុមហ៊ុនថៃ Siam Makro ដែលជាហាងលក់រាយប្រភេទ Cash-and-Carry ។ តាមគេហទំព័ររបស់ក្រុមហ៊ុន Siam Makro បានឱ្យដឹងថា ក្រុមហ៊ុនថៃនេះបានបង្កើតឡើងក្នុងឆ្នាំ ១៩៩៨ ដោយមានដើមទុនវិនិយោគចំនួន ៧៥០លានបាត (២៣លានដុល្លារអាមេរិក) ដើម្បីដំណើរការមជ្ឈមណ្ឌលលក់ដុំសម្រាប់សមាជិកក្រោមឈ្មោះម៉ាក្រូ។

នៅដើមឆ្នាំ២០១៦ លោកស្រី SaowaluckThitaphant ប្រធានមន្រ្តីហិរញ្ញវត្ថុរបស់ក្រុមហ៊ុន Siam Makro បានប្រាប់បាងកកប៉ុស្តិ៍ថា ក្រុមហ៊ុន Siam Makro មានបំណងចំណាយប្រាក់ចំនួន៦ប៊ីលានបាត (១៧២លានដុល្លារអាមេរិក) នៅឆ្នាំ២០១៦ ដើម្បីបើកហាងចំនួន២០ នៅប្រទេសថៃនិងចំនួន ៣ប៊ីលានបាត (៨៦លានដុល្លារអាមេរិក) ដើម្បីពង្រីកទៅកាន់កន្លែងផ្សេងទៀតនៅអាស៊ីអាគ្នេយ៍ ដែលអាចជាប្រទេសកម្ពុជា ប្រទេសឡាវ និងប្រទេសវៀតណាម។

Latest Issue

Construction & Property Magazine title=Issue # 031

Stay Connected

Camcona
Campu Lunpac
Comin Khmer
ETS Cambodia
LCC
SCG
MULTICO
Ocean
Seara Sports Engineering and Creation Asia (Cambodia) Co., Ltd.
TEM
TPC
Wiki
Rinnai
Kansai Paint
Cambodia Business Partner
Camcona Group
KRock
Plus Enterprise
United Mercury Group
Muhibbah Engineering (Cambodia) Co., Ltd
Dynamic Scientific Co., Ltd
CBMS
BMSC Business Machines & Supplies Center
Business Machines & Supplies Center (BMSC)
home.58cam
UPG Cambodia
Fuxin Steel Buildings co. ltd
Phnom Penh Precast Plants co. ltd
Legrand
Sika Cambodia
Group Four
Sokea Garden
ISI PALM co., LTD
Star 5 Condo
Diamond Glass
Schwing Stetter India
YY TYY Taiwan