ក្រោយជោគជ័យនៅកម្ពុជា ក្រុមហ៊ុន Aeon នឹងសង់ផ្សារទំនើបតម្លៃ ១៨០លានដុល្លារនៅមីយ៉ាន់ម៉ា

• 5 ខែ​សីហា 2020
• ព័ត៌មានសំណង់
• 8 មើល

ក្រុមហ៊ុន Aeon Mall គ្រោងនឹងបើកការដ្ឋានសាងសង់ផ្សារទំនើប Aeon ដំបូងបង្អស់ នៅទីក្រុងយ៉ាងហ្គោន ប្រទេសមីយ៉ាន់ម៉ា នៅដើមឆ្នាំ២០២១ នេះ ក្រោមទុនវិនិយោគប្រមាណ ១៨០លានដុល្លារអាមេរិក។ នេះបើយោងតាមសារព័ត៌មាន Nikkei Asian Review កាលពីថ្ងៃទី ៤ សីហានេះ។

ផ្សារទំនើបនេះ ស្ថិតក្រោមការវិនិយោគនៃក្រុមហ៊ុនពីរួមគ្នាគឺ ក្រុមហ៊ុន Aeon Mall និងក្រុមហ៊ុន Shwe Taung ដោយនឹងសាងសង់ស្ថិតលើផ្ទៃដីទំហំ ៧២ ០០០ ម៉ែត្រការ៉េ ហើយគ្រោងនឹងបើកដំណើរការនៅឆ្នាំ ២០២៣នេះ។

លោក Yasutsugu Iwamura ប្រធានក្រុមហ៊ុន Aeon Mall បាននិយាយថា ទោះបីជាស្ថានការណ៍នៃវីរ៉ុសកូរ៉ូណាស្ថិតក្នុងភាពមិនច្បាស់ការក្ដី ក៏ក្រុមហ៊ុនរបស់លោកនៅតែបន្តសាងសង់ដូចធម្មតា។ នេះក៏ដោយសារតែប្រតិបត្តិការដ៏ខ្លាំងខ្លានៃសាខារបស់ខ្លួន ក្នុងប្រទេសកម្ពុជា និងការប្ដេជ្ញាចិត្តក្នុងការដណ្តើមយកទីផ្សារលេចធ្លោជាងគេនៅមីយ៉ាន់ម៉ាផងដែរ។

ក្រុមហ៊ុន Aeon មានទីផ្សារធំបំផុតនៅអាស៊ីអាគ្នេយ៍ ដោយមានសាខាចំនួន ៥ កន្លែងនៅប្រទេសវៀតណាម ២ កន្លែងនៅកម្ពុជា និង២ កន្លែងនៅឥណ្ឌូនេស៊ី ជាមួយនឹងប្រាក់ចំណេញប្រមាណ ៣៧២ លានដុល្លារអាមេរិកគិតត្រឹមខែ កុម្ភៈនេះ។
គួរបញ្ជាក់ផងដែរថា កម្ពុជាក៏មានគម្រោងផ្សារទំនើប Aeon ថ្មីមួយទៀត ដែលមានតម្លៃវិនិយោគប្រមាណជាង ២៨៩,៦លានដុល្លារអាមេរិក គ្រោងបើកដំណើរការក្នុងឆ្នាំ ២០២៣ នេះដែរ។  (អានបន្ថែម)

• ធុរកិច្ច និងទីផ្សារ
• Business and Market
• ធុរកិច្ច និងទីផ្សារ