ខុនដូអាយុ១ទស្សវត្សនៅទីក្រុងតូក្យូ កើនតម្លៃជិត២០ភាគ ពេលកែប្រែលម្អឡើងវិញ

• 13 ខែ​ឧសភា 2022
• ព័ត៌មានអចលនទ្រព្យ
• 8 មើល

អគារខុនដូរសាងសង់តាំងពី ៩ ឬ១០ ឆ្នាំមុនក្នុងតំបន់សក្តានុពល ទីក្រុងតូក្យូ(Greater Tokyo Area) ​លក់បានថ្លៃជាងមុន រហូតដល់ជិត២០ភាគរយ ពេលកែលម្អឡើងវិញ នេះបើធៀបនឹងតម្លៃដើមកាលពីពេលសាងសង់រូចដំបូង។

ក្រុមហ៊ុនវាយតម្លៃអលនទ្រព្យ Tokyo Kantei បានធ្វើការស្ទង់តម្លៃលក់ឡើងវិញ (Resale Value) នៃអគារខុនដូរចាស់ៗអាយុ១០ឆ្នាំ សម្រាប់ឆ្នាំ២០២១។ នេះបើយោងតាមការចុះផ្សាយរបស់​ Rethink Tokyo​ ចុះផ្សាយកាលពីថ្ងៃទី១០ ខែឧសភា។​

ក្នុងស្ទង់តម្លៃលក់ឡើងវិញនេះ ស្ថានីយ៍ចំនួន ៣៤៥កន្លែង ត្រូវបានវាស់នៅក្នុង Greater Tokyo Area ជាមួយនឹងតម្លៃជាមធ្យមក្នុងឆ្នាំ 2021 គឺ 119.8% នៃតម្លៃដើម កាលពី 10 ឆ្នាំមុន។

នៅពេលអចលនទ្រព្យ ត្រូវបានដាក់លក់កាលពីដំបូង ទីផ្សារខុនដូរ មានភាពប្រែប្រួលខ្លាំង បន្ទាប់ពីគ្រោះរញ្ជួយដីដ៏ធំនៅប្រទេសជប៉ុន។ ចាប់តាំងពីពេលនោះមកតម្លៃខុនដូនៅក្នុង Greater Tokyo Area បានកើនឡើងជាលំដាប់ ដោយប៉ុន្មានឆ្នាំថ្មីៗនេះតម្លៃរិតតែកើនឡើងដោយសារតែតម្រូវការខ្ពស់ដែលជំរុញដោយការផ្លាស់ប្តូររបៀបរស់នៅដែលបណ្ដាលមកពីជំងឺរាតត្បាត និងការផ្ដល់ហិរញ្ញប្បទានជាមួយនឹងការប្រាក់ទាបសម្រាប់អ្នកខ្ចីមានលក្ខណៈសម្បត្តិគ្រប់គ្រាន់។

• ធុរកិច្ច និងទីផ្សារ
• ធុរកិច្ច និងទីផ្សារ