ទំហំលំហូរវិនិយោគផ្ទាល់ពីបរទេសក្នុងវិស័យសំណង់និងអចលនទ្រព្យក្នុងឆ្នាំ ២០២០ ថយចុះ ១០,៦%

• 4 ខែ​មិថុនា 2021
• Uncategorized
• 9 មើល

លំហូរវិនិយោគផ្ទាល់ពីបរទេស ឬ FDI សរុបក្នុងឆ្នាំ ២០២០ មានទំហំប្រមាណ ៣,៥ ពាន់លានដុល្លារនៅឆ្នាំ ២០២០ ដែលធ្លាក់ចុះ ១%។ ដោយឡែក លំហូរ FDI ក្នុងវិស័យសំណង់ និងអចលនទ្រព្យដែលមានចំណែក ១៧% នៃFDI សរុប បានថយចុះដល់ទៅ ១០,៦% ។

នេះបើយោងតាមរបាយការណ៍ស្ថិរភាពហិរញ្ញវត្ថុប្រចាំឆ្នាំ២០២០ របស់ធនាគារជាតិនៃកម្ពុជា ដែលចេញផ្សាយនៅថ្ងៃទី ៣១ ឧសភា។

ប្រទេសចិននៅតែជាប្រភពលំហូរ FDI ទី១ សម្រាប់កម្ពុជា។ នៅឆ្នាំ ២០២០ FDI ពីប្រទេសចិនមានដល់ទៅ ៥១% នៃ FDI សរុប បន្ទាប់មកគឺសិង្ហបុរី (៨,២%) កូរ៉េ (៧,៩%) ជប៉ុន (៥,៨%) អង់គ្លេស (៤,៤%) ម៉ាឡេស៊ី (៤,២%) និងថៃ (៣.៣%) ។

លំហូរ FDI ពីប្រទេសចិនភាគច្រើន ផ្តោតលើវិស័យកាត់ដេរសម្លៀកបំពាក់ ស្បែកជើង វារីអគ្គិសនី អចលនទ្រព្យ ហិរញ្ញវត្ថុ និងសណ្ឋាគារ។

របាយការណ៍ដដែលបានបន្ថែមទៀតថា មុនព្រឹត្តិការណ៍សហគមន៍ខែកុម្ភៈ វិស័យសំណង់ និងអចលនទ្រព្យ ត្រូវបានរំពឹងថានឹងងើបឡើងវិញជាបណ្តើរៗ ទន្ទឹមនឹង FDI ។

ទោះយ៉ាងណាក្តី ក្រោយព្រឹត្តិការណ៍សហគមន៍ខែកុម្ភៈ កំណើននេះអាចកើតឡើង ឬមិនកើតឡើង អាស្រ័យលើថាតើរដ្ឋាភិបាលទប់ទល់នឹងជំងឺកូវីដបានល្អកម្រិតណា ហើយតើសកម្មភាពសេដ្ឋកិច្ចពិភពលោក និងក្នុងតំបន់នឹងរីកដុះដាលយ៉ាងដូចម្តេច?

របាយការណ៍ធនាគារជាតិបានឱ្យដឹងទៀតថា ប្រទេសចិនគឺជាក្តីសង្ឃឹមដ៏សំខាន់មួយសម្រាប់ប្រទេសកម្ពុជា ព្រោះចិនជាប្រទេសតែមួយគត់នៅក្នុងប្រទេស G20 ដែលមានកំណើនសេដ្ឋកិច្ចនៅឆ្នាំ ២០២០ ជាមួយនឹងការព្យាករណ៍កំណើន ៨% នៅឆ្នាំ ២០២១ ។

• អត្ថបទវិភាគ
• ធុរកិច្ច និងទីផ្សារ
• Analysis
• អត្ថបទវិភាគ
• Business and Market
• Economy and Finance
• ធុរកិច្ច និងទីផ្សារ