រថយន្ត ៤ម៉ាកថ្មីទៀត នឹងបង្កើតរោងចក្រដំឡើងលើទឹកដីកម្ពុជា

• 18 ខែ​មិថុនា 2022
• ព័ត៌មានក្នុងស្រុក
• 8 មើល

ក្រៅពីរថយន្ត Ford នៅមានរថយន្តម៉ូដែលថ្មីចំនួន ៤ទៀត នឹកបើករោងចក្រដំឡើងរថយន្តនៅក្នុងប្រទេសកម្ពុជា។ ទីតាំងរោចចក្រថ្មីនេះ នឹងស្ថិតនៅក្នុងតំបន់សេដ្ឋកិច្ចពិសេស Cam MJ Industrial Park ផ្លូវជាតិលេខ៣ ក្នុងភូមិអង្រ្គង ឃុំអង្គពពេល ស្រុកគងពិសី ខេត្តកំពង់ស្ពឺ មានទុនវិនិយោគប្រមាណ ១៥,៦លានដុល្លារអាមេរិក នេះបើយោងតាមការចេញផ្សាយរបស់ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្ងៃទី ១៧ មិថុនា នេះ។

រថយន្តទាំង ៤ម៉ាកនេះ រួមមាន ម៉ាក Soueast មាន ៤ម៉ែល ជាប្រភេទរថយន្តទេសចរណ៍ ម៉ាក FAW មាន ៥ម៉ូដែល ជាប្រភេទរថយន្តដឹកទំនិញ ម៉ាក Dongfeng មាន ១០ម៉ូដែល ជាប្រភេទរថយន្តទេសចរណ៍ និង ម៉ាក MG មាន ៤ម៉ូដែល ជាប្រភេទរថយន្តទេសចរណ៍។

គេរំពឹងថា ការវិនិយោគរបស់ក្រុមហ៊ុន GTV Motor នេះនឹងបង្កើតការងារបានចំនួន ៧៣៨កន្លែង។

គួរបញ្ជាក់ដែលថា នេះគឺដំណឹងល្អមួយសម្រាប់កម្ពុជា បន្ទាប់ពីរថយន្ត Ford ជារថយន្តពេញនិយមនៅកម្ពុជា ក្រោមទុនវិនិយោគរបស់ក្រុមហ៊ុន RMA Automotive (Cambodia) បានប្រកាសបើកសម្ពោធរោងចក្រដំឡើងរថយន្តនៅក្នុងទឹកដីខេត្តពោធិ៍សាត់ កាលពីថ្ងៃទី ១៦ មិថុនា នេះ។ (អានបន្ថែម)

នៅថ្ងៃខាងមុខ មិនត្រឹមតែរថយន្ត Ford និងរថយន្តទាំង ៤ម៉ាកខាងលើនេះទេ រថយន្ត ISUZU របស់ជប៉ុន ក្រោមការវិនិយោគរបស់ក្រុមហ៊ុន K (Cambodia) Co Ltd ក៏នឹងបង្កើតរោងចក្រដំឡើងរថយន្ត ក្នុងទឹកដីខេត្តកំពង់ស្ពឺផងដែរ ដែលមានទុនវិនិយោគសរុប ៧,៣លានដុល្លារ នេះបើតាមការប្រកាសផ្សាយរបស់ក្រុមប្រឹក្សាអភិវឌ្ឍន៍កម្ពុជាកាលពីដើមឆ្នាំ២០២២ ថ្ងៃទី ១៧ កុម្ភៈ។ (អានបន្ថែម)

• Investment and Funding
• Business and Market