រយៈពេលជាង ៤ឆ្នាំនេះ CGCC សម្រេចបានការធានាឥណទាននៅកម្ពុជាជិត $៤០០លាន

• 12 ខែ​កញ្ញា 2025
• Uncategorized
• 10 មើល

គិតត្រឹមចុងខែកក្កដា ឆ្នាំ២០២៥ សាជីវកម្មធានាឥណទានកម្ពុជា (CGCC) សម្រេចបានការធានាឥណទាននៅកម្ពុជារហូតដល់ ៦.៥៧៩គណនី ក្នុងទំហំទឹកប្រាក់កម្ចីប្រមាណជិត ៤០០លានដុល្លារ។ នេះបើតាម CGCC បានឱ្យដឹងកាលពីថ្ងៃទី៧ ខែកញ្ញា ឆ្នាំ២០២៥។

តាមរយៈព្រឹត្តិបត្រវឌ្ឍនភាពនៃការធានាឥណទានប្រចាំខែរបស់ CGCC បានឱ្យដឹងថា គិតចាប់តាំងពីខែមេសា ឆ្នាំ២០២១ ដែល CGCC បានដាក់ឱ្យដំណើរការគម្រោងធានាឥណទានដំបូង រហូតដល់ថ្ងៃទី៣១ ខែកក្កដា ឆ្នាំ២០២៥។ ជាក់ស្តែង បើគិតត្រឹមថ្ងៃទី៣១ ខែកក្កដា ឆ្នាំ២០២៥ ឆ្នាំ២០២៥ CGCC បានផ្តល់ការធានាឥណទានជូនដល់ ៦.៥៧៩ គណនី ក្នុងទំហំទឹកប្រាក់កម្ចីប្រហាក់ប្រហែល ៣៦៥,៣ ៦ លានដុល្លារ។

ប្រភពដដែល បានបន្តថា គិតត្រឹមថ្ងៃទី៣១ ខែកក្កដា ឆ្នាំ២០២៥នេះដែរ សាជីវកម្មធានាឥណទានកម្ពុជា (CGCC) បានផ្តល់ការធានាឥណទានតាមប្រភេទ ដូចជា៖ការធានាឥណទានឯកត្តឥណទាន(IG) ចំនួនជាង ២៥៣,៧៨លានដុល្លារ ស្មើ៦៩%, ការធានាឥណទានជាកញ្ចប់ (PG) ចំនួន ៦១,៥៨ លានដុល្លារ ស្មើ ១៧% និងការធានាឥណទានបោះដុំ(WG) ចំនួន ៥០លានដុល្លារ ស្មើ១៤%៕

• loan
• Business and Market
• Economic and finance