អំឡុង៨ខែនៃឆ្នាំ២០២១ កំពង់ផែភ្នំពេញរកចំណូលបានជាង ១៩លានដុល្លារ កើនឡើង១១%

• 17 ខែ​កញ្ញា 2021
• Uncategorized
• 9 មើល

នៅក្នុងរយៈពេល ៨ខែ ដំបូងនៃឆ្នាំ២០២១នេះ កំពង់ផែស្វយ័តភ្នំពេញ បានរកចំណូលក្រោយសវនកម្មសរុបបានចំនួន ១៩លានដុល្លារ ដែលកើនឡើង ១១% បើធៀប នឹងរយៈពេលដូចគ្នាកាលពីឆ្នាំ ២០២០។

របាយការណ៍ពីកំពង់ផែស្វយ័តភ្នំពេញ ចេញផ្សាយកាលពីថ្ងៃទី១៣ ខែកញ្ញា បង្ហាញថា ចំណូលពីប្រតិបត្តិការផែមានចំនួន ១៥,៣លានដុល្លារ ចំណូលពីអាជ្ញាធរផែ ២,៤លានដុល្លារ ចំណូលពីសេវាកម្មផ្សេងៗ ០,១៥៥លានដុល្លារ និងចំណូលផ្សេងៗ ១,៦លានដុល្លារ។

ទន្ទឹមនឹងនេះ កំពង់ផែស្វយ័តភ្នំពេញ បញ្ជាក់ថា ក្នុងខែសីហាត្រឹម ១ខែគត់ ចំណូលសរុបមានដល់ទៅ ២,៨លានដុល្លារ ដែលមានកំណើន ១៧%។

គួរបញ្ជាក់ផងដែរថា នៅឆ្នាំ២០២០ កំពង់ផែស្វយ័តក្រុងភ្នំពេញ រកចំណូលសរុបបាន ២៩,៤ដុល្លារ ធ្លាក់ចុះ៦% បើប្រៀបធៀបនឹងឆ្នាំ២០១៩ ដែលមានចំណូលចំនួន ៣១,៣ដុល្លារ៕

• ធុរកិច្ច និងទីផ្សារ
• Business and Market
• Economy and Finance
• ធុរកិច្ច និងទីផ្សារ