កម្ពុជា​ ចម្រាញ់រ៉ែមាសបានជាង ៥តោន និងទទួលបានចំណូលពន្ធជិត ១០លានដុល្លារ

• 25 ខែ​មករា 2023
• ព័ត៌មានក្នុងស្រុក
• 7 មើល

រោងចក្រចម្រាញ់រ៉ែមាសនៅកម្ពុជា ចម្រាញ់រ៉ែមាសបានសរុប ៥,៣ តោន គិតត្រឹមឆ្នាំ ២០២២ ដោយក្រុមហ៊ុនបានបង់ចំណូលសួយសារចូលថវិកាជាតិ មានជាង ៨លានដុល្លារ និងចំណូលពន្ធដារបានប្រមាណ ១,៥លានដុល្លារ ។

តួលេខនេះ ត្រូវបានបង្ហាញដោយមន្រ្តីក្រសួងសេដ្ឋកិច្ច និងហិរញ្ញវត្ថុ នៅក្នុងវេទិកាសាធារណៈ ស្តីពីការគ្រប់គ្រងម៉ាក្រូហិរញ្ញវត្ថុ និងច្បាប់ថវិការឆ្នាំ ២០២៣។

ក្រុមហ៊ុនធ្វើអាជីវកម្មរ៉ែមាស មានចំនួន ៧ក្រុមហ៊ុន ដោយបច្ចុប្បន្ន បានកំពុងធ្វើអាជីវកម្ម នៅខេត្តចំនួន ៤ គឺខេត្តមណ្ឌលគីរី, រតនៈគីរី, បាត់ដំបង និងខេត្តព្រះវិហារ ។

ប្រភពដដែលបន្តថា ក្រុមហ៊ុនដែលចម្រាញ់បានរ៉ែមាសច្រើនជាងគេក្រុមហ៊ុន​ Renaissance Minerals ខណៈដែលក្រុមហ៊ុនផ្សេងទៀតចម្រាញ់មាសនៅកម្រិតតិចតួចនៅឡើយ។

ក្រុមហ៊ុនចំនួន៤កំពុងធ្វើអាជីវកម្មរួមមាន៖ ក្រុមហ៊ុន Renaissance Minerals មានទីតាំង ខេត្តមណ្ឌលគីរី, ក្រុមហ៊ុន Xinshan Industrial Cambodia នៅខេត្តព្រះវិហារ, ក្រុមហ៊ុន Xing Yuan Kanng Yeak នៅខេត្តក្រចេះ និងក្រុមហ៊ុន Delcom Kampuchea នៅ ខេត្តព្រះវិហារ៕

• Investment and Funding
• Energy and Environment