កូរ៉េផ្ដល់កម្ចីជាង ៦៦លានដុល្លារ សាងសង់មន្ទីរពេទ្យសាកលវិទ្យាល័យវិទ្យាសាស្ត្រសុខាភិបាល

រដ្ឋាភិបាលសាធារណរដ្ឋកូរ៉េ បានផ្តល់ឥណទានសម្បទានជាង៦៦លានដុល្លារអាមេរិក ដល់កម្ពុជា ដើម្បីសាងសង់មន្ទីរពេទ្យនៃសាកលវិទ្យាល័យវិទ្យាសាស្ត្រសុខាភិបាល ដែលស្ថិតនៅសង្កាត់ឃ្មួញ ខណ្ឌសែនសុខ រាជធានីភ្នំពេញ។

គម្រោងនេះ ត្រូវបានពិភាក្សា ក្នុងកិច្ចប្រជុំ កាលពីថ្ងៃទី០៦ ខែមេសា ឆ្នាំ២០២២ លោកស្រី យក់ សម្បត្តិ រដ្ឋលេខាធិការក្រសួងសុខាភិបាល និងប្រតិភូនៃក្រុមហ៊ុនកូរ៉េ ដែលពិនិត្យលើសាងសង់មន្ទីរពេទ្យថ្មីនេះ។

មន្ទីរពេទ្យរបស់សាកលវិទ្យាល័យវិទ្យាសាស្ត្រសុខាភិបាលនេះ នឹងត្រូវសាងសង់លើផ្ទៃដីជាង២ហិកតា មានកម្ពស់ ៨ជាន់ មានគ្រែសម្រាប់អ្នកជំងឺសម្រាក ២០០គ្រែ នឹងអាចពង្រីករហូតដល់៤០០គ្រែ។

ក្រុមហ៊ុនកូរ៉េខាងត្បូង Inje Joint Venture ត្រូវបានជ្រើសរើសជាក្រុមហ៊ុនទីប្រឹក្សាត្រួតពិនិត្យគម្រោង។

តាមផែនការ រយៈពេលគម្រោងនេះ មាន៤៣ខែ ដោយក្នុងនោះ ការរចនាមានរយៈពេល ១០ខែ ការដេញថ្លៃរកអ្នកម៉ៅការ ៤ខែ ការសាងសង់ ២៦ខែ និងការធ្វើប្លង់ប្រើប្រាស់គំរូ ឬSimulation ៣ខែ។

ក្រុមហ៊ុន Inje Joint Venture កំពុងពិនិត្យ ពិភាក្សា និងស្នើសុំការអនុម័តទៅលើ Inception Report ដើម្បីបន្តការអនុវត្តគម្រោងឱ្យបានទៅតាមការវិភាគដែលបានគ្រោងទុក។

- Video Advertisement -

ព័ត៌មានដែលទាក់ទង

អគារសុខាភិបាលថ្មី៣នៅក្រុងព្រះសីហនុ ត្រូវបានសម្ពោធដាក់ឱ្យប្រើប្រាស់ជាផ្លូវការ

អគារតេជោព្យាបាលជំងឺកូវីដ-១៩ អគារមន្ទីរពិសោធន៍ និងអគារផល […]

ក្រសួង២ រួមគ្នាបង្កើតមណ្ឌលសុខភាពថ្មី ១៣កន្លែង និងពង្រឹងសមត្ថភាពមណ្ឌលសុខភាពនៅទូទាំងប្រទេស

ក្រសួងសុខាភិបាល និងក្រសួងមហាផ្ទៃសម្រេចបង្កើតមណ្ឌលសុខភាព […]

ឡប្រព្រឹត្តកម្មសំណល់វេជ្ជសាស្រ្តសម្រាប់ ៥ខេត្ត នៅអង្គស្នួលបើកសម្ពោធជាផ្លូវការហើយ

ឡប្រព្រឹត្តកម្មសំណល់វេជ្ជសាស្ត្រចំនួន ៥ខេត្ត របស់ក្រុមហ […]

មន្ទីរពេទ្យតេជោ សែន កោះធំ តម្លៃ ១០លានដុល្លារ សង់បានជិត ៣៧%ហើយ

គិតមកទល់បច្ចុប្បន្ន ការដ្ឋានសាងសង់អគារមន្ទីរពេទ្យតេជោ ស […]

អគារចត្តាឡីស័កនៅខេត្តបាត់ដំបងតម្លៃជាង ១៧ម៉ឺនដុល្លារ ដាក់ឲ្យដំណើរការហើយ

អគារចត្តាឡីស័កមួយកន្លែងនៅខេត្តបាត់ដំបង តម្លៃជាង ១៧ម៉ឺនដ […]

កូរ៉េគ្រោងជួយសង់អគារមន្ទីរពេទ្យថ្មីមួយទៀតឱ្យកម្ពុជា កម្ពស់៥ជាន់ តម្លៃ ១៦លានដុល្លារ

រដ្ឋាភិបាលកូរ៉េខាងត្បូង តាមរយៈទីភ្នាក់ងារ KOICA គ្រោងនឹ […]