ក្រុមហ៊ុនចិន ចាប់អារម្មណ៍បង្កើតរោងចក្រចម្រាញ់ប្រេងកាតនៅកម្ពុជា

• 21 ខែ​តុលា 2020
• Uncategorized
• 7 មើល

ក្រុមហ៊ុន Hainan Starlight Chemical Co., Ltd បានបង្ហាញពីចំណាប់អារម្មណ៍ក្នុងការបង្កើតរោងចក្រចម្រាញ់ប្រេងកាតនៅប្រទេសកម្ពុជា។

នេះបើតាមការឱ្យដឹងពីក្នុងជំនួបសម្តែងការគួរសមនិងពិភាក្សាការងាររវាង ឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពល ជាមួយតំណាងក្រុមហ៊ុន Hainan Starlight Chemical Co.,Ltd កាលពីថ្ងៃទី ២១ តុលានេះ។

ជំនួបពិភាក្សាការងារនេះ ធ្វើឡើងក្នុងគោលបំណងពិភាក្សាអំពីសក្តានុពលនៃគម្រោងវិនិយោគលើវិស័យប្រេងនិងឧស្ម័នកម្ពុជា។ ជាមួយគ្នានេះ ក្រុមហ៊ុនវិនិយោគចិននេះ ក៏បានបង្ហាញអំពីចំណាប់អារម្មណ៍ក្នុងការបង្កើតរោងចក្រចម្រាញ់ប្រេងកាតនៅប្រទេសកម្ពុជានៅពេលខាងមុខផងដែរ។

ជាការឆ្លើយតប ឯកឧត្តម ស៊ុយ សែម បានសូមស្វាគមន៍លើការវិនិយោគ និងការអភិវឌ្ឍក្នុងវិស័យប្រេងកាតនេះ ឱ្យកាន់តែរីកចម្រើនបន្ថែមទៀត តែក្រុមហ៊ុនត្រូវគោរពតាមច្បាប់ និងបទប្បញ្ញត្តិនានា។

• ថាមពល និងបរិស្ថាន
• ការវិនិយោគ និងមូលធន
• Investment and Funding
• Energy and Environment
• ការវិនិយោគ និងមូលធន
• ថាមពល និងបរិស្ថាន