ក្រុមហ៊ុនឯកជនស្នើជួលដី ៣៦៩ហិកតា នៅខេត្តកោះកុង ដើម្បីវិនិយោគគម្រោងដ៏ធំមួយ

• 25 ខែ​មករា 2021
• Uncategorized @km
• 6 មើល

ក្រុមហ៊ុន កោះ មង្គល រតនៈ សម្បត្តិ ឯ.ក បានស្នើសុំជួលដីរដ្ឋទំហំ៣៦៩ ហិកតា នៅស្រុកស្រែអំបិល ខេត្តកោះកុង ដើម្បីវិនិយោគលើគម្រោងវារីវប្បកម្មដ៏ធំមួយ។ នេះបើយោងតាមកិច្ចប្រជុំរវាងក្រុមហ៊ុន និងរដ្ឋបាលខេត្តកោះកុង កាលពីថ្ងៃទី ២១ ខែមករា កន្លងមកនេះ។

បើយោងតាមប្រភពដដែល គម្រោងនេះ នឹងអនុវត្តជា ៣ ដំណាក់កាល ដោយនៅដំណាក់កាលទី ១ រដ្ឋបាលខេត្តកោះកុង អាចនឹងអនុញ្ញាតជួលឱ្យក្រុមហ៊ុនត្រឹម ១០០ ហិកតា សិន ដែលជាដំណាក់កាលសាកល្បងដំបូង។

ទោះជាយ៉ាងក្ដី រដ្ឋាភិបាលមិនទាន់ចេញសម្រេចអ្វីនៅឡើយទេ ព្រោះត្រូវសិក្សាបន្ថែមទៀត។ ដោយឡែក ក្រុមហ៊ុនក៏មិនទាន់បញ្ជាក់ពីទំហំទឹកប្រាក់វិនិយោគ និងព័ត៌មានលម្អិតនៃគម្រោងនៅឡើយទេ។

គួរបញ្ជាក់ផងដែរថា គម្រោងវារីវប្បកម្ម ជាសកម្មភាពអាជីវកម្មដាំរុក្ខជាតិ និង ចិញ្ចឹមសត្វនៅតាមសមុទ្រ ដែលមិនត្រឹមតែធ្វើអាជីវកម្មនោះទេ គម្រោងនេះក៏នឹងជួយការពារព្រៃកោងកាង រក្សាលំនឹងស្ថានប្រព័ន្ធ និងជីវចម្រុះនៅក្នុងតំបន់ផងដែរ។

• ការវិនិយោគ និងមូលធន
• ធុរកិច្ច និងទីផ្សារ
• គោលនយោបាយ និងការអភិវឌ្ឍដីធ្លី
• Investment and Funding
• land development and policy
• Business and Market
• ការវិនិយោគ និងមូលធន
• ធុរកិច្ច និងទីផ្សារ