ក្រុមហ៊ុន៤ធំៗ ចុះMoUជាមួយរដ្ឋសម្រុកជំរុញសក្ដានុពលនិងប្ដូរមុខមាត់ខេត្តព្រះសីហនុ

• 22 ខែ​វិច្ឆិកា 2021
• Uncategorized
• 7 មើល

ក្រុមហ៊ុនឯកជនធំៗចំនួន ៤ សម្រេចសហការជាមួយរដ្ឋបាលខេត្តព្រះសីហនុ ទិសដៅជំរុញកៀរគរអ្នកវិនិយោគបន្ថែម និងរួមគ្នាអភិវឌ្ឍខេត្តព្រះសីហនុឱ្យរីកចម្រើនទៅមុខមួយកម្រិតទៀត។

អនុស្សារណៈយោគយល់គ្នា រវាងភាគីទាំង៥ លើកិច្ចការខាងលើ ត្រូវបានចុះហត្ថលេខាកាលពីថ្ងៃទី១៧ ខែវិច្ឆិកា កន្លងទៅ។

បើយោងតាមសេចក្តីប្រកាសព័ត៌មានរបស់រដ្ឋបាលខេត្តព្រះសីហនុ ក្រុមហ៊ុនទាំង៤ រួមមាន ក្រុមហ៊ុន Continent Assets Management Co., Ltd ក្រុមហ៊ុន PLMP Venture Capital Co., Ltd ក្រុមហ៊ុន PropNex Cambodia Co., Ltd និងក្រុមហ៊ុន Ly Ly Kampong Seila Special Economic Zone Co., Ltd ។

ឯកឧត្តម គួច ចំរើន អភិបាលខេត្តព្រះសីហនុ មានប្រសាសន៍ក្នុងពិធីចុះហត្ថលេខាថា ការសហការនេះ នឹងដាក់ចេញនូវគម្រោងនវានុវត្តន៍ថ្មីៗ ដើម្បីចូលរួមជំរុញការស្តារ និងអភិវឌ្ឍសេដ្ឋកិច្ចសង្គមរបស់ខេត្ត។

ឯកឧត្តមបានបន្ដថា ការសហការនេះ ក៏ស្របទៅនឹងផែនការមេរបស់រដ្ឋាភិបាលដើម្បីប្រែក្លាយខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង និងដាក់ខេត្តព្រះសីហនុជាទីផ្សារហិរញ្ញវត្ថុ។

• ធុរកិច្ច និងទីផ្សារ
• កិច្ចសហប្រតិបត្តិការ និងឱកាស
• Cooperation and networking
• Business and Market
• ធុរកិច្ច និងទីផ្សារ