គម្រោងថាមពលដើរដោយខ្យល់នៅមណ្ឌលគីរី ស្ថិតក្នុងដំណាក់កាលសិក្សា តែរំពឹងបញ្ចប់ឆាប់ៗ

• 4 ខែ​សីហា 2021
• Uncategorized
• 8 មើល

គម្រោងសិក្សារោងចក្រថាមពលខ្យល់ដើរដោយកម្លាំងខ្យល់អនុភាព ១០០មេហ្គាវ៉ាត នៅខេត្តមណ្ឌលគីរី នៅតែបន្ត ដោយរំពឹងថានឹងបញ្ចប់នៅពេលឆាប់ៗខាងមុខ។ នេះបើយោងតាម ឯកឧត្តម វិកទ័រ ហ្សូណា អគ្គនាយកផ្នែកថាមពលនៃក្រសួងរ៉ែ និងថាមពល។

គម្រោងនេះវិនិយោគដោយក្រុមហ៊ុន Xinglan Maritime Energy Co., Ltd ក្នុងទឹកប្រាក់ ២០០ដុល្លារ ដោយក្រុមហ៊ុនទទួលបានការអនុញ្ញាតពីក្រសួងតាំងពីពាក់កណ្តាលខែឧសភា ឆ្នាំ២០១៩ មកម្ល៉េះ។

ជុំវិញបច្ចុប្បន្នភាពនៃគម្រោងនេះ ឯកឧត្តម វិកទ័រ ហ្សូណា បានឱ្យដឹងថា ក្រុមហ៊ុនកំពុងបន្តការសិក្សា ដោយមិនអាចប្រាប់បានថានឹងបញ្ចប់នៅពេលណាបានទេ តែគិតថាក្នុងពេលឆាប់ៗនេះ។

ឯកឧត្តម ថ្លែងថា៖ «នៅពេលការសិក្សាសមិទ្ធិលទ្ធភាពបញ្ចប់ហើយ ក្រុមហ៊ុននឹងបន្តយកមកចរចាតម្លៃជាមួយរដ្ឋបន្ត»។

គួរបញ្ជាក់ថា ក្រុមហ៊ុន Xinglan Maritime Energy Co., Ltd. គឺជាការវិនិយោគរួមគ្នារវាងក្រុមហ៊ុន Maritime Group ជាមួយក្រុមហ៊ុនដ៏ធំលើវិស័យថាមពលកកើតជាថ្មីមកពីប្រទេសចិន Xinglan Group។

ក្រៅពីគម្រោងនេះ កម្ពុជាក៏មានគម្រោងថាមពលដើរដោយកម្លាំងខ្យល់មួយទៀតនៅខេត្តកំពត របស់ក្រុមហ៊ុន The Blue Circle ដែលពេលនេះជាប់គាំងនៅដំណាក់កាលចរចាថ្លៃ មិនទាន់បានសាងសង់នៅហើយ។ (អានបន្ថែម)

• ថាមពល និងបរិស្ថាន
• Energy and Environment
• ថាមពល និងបរិស្ថាន