ចំណូលសួយសារអាករពីវិស័យរ៉ែ មានជាង ២១លានដុល្លារ ឆ្នាំ២០២០

• 24 ខែ​ឧសភា 2021
• Uncategorized
• 7 មើល

ក្រសួងរ៉ែ និងថាមពល បានបញ្ជាក់ថាចំណូលសួយសារអាករ ឬចំណូលមិនមែនពន្ធ ពីវិស័យរ៉ែ មានសរុបជាង ២១លានដុល្លារ ក្នុងឆ្នាំ២០២០ កើនឡើងប្រមាណ៥% បើធៀបនឹងឆ្នាំ ២០១៩។

ឯកឧត្តម យស់ មុន្នីរ៉ាត់ អគ្គនាយកនៃអគ្គនាយកដ្ឋានធនធានរ៉ែ នៃក្រសួងរ៉ែ និងថាមពល មានប្រសាសន៍នៅថ្ងៃទី ២៤ ឧសភា នេះថា ចំណូលនេះបានមកពីអាជ្ញាបណ្ណរ៉ែ ថ្ម ខ្សាច់ គ្រួស និងការជីកដី។

ឯកឧត្តមបន្តថា ទោះបីចំណូលសួយសារអាករពីវិស័យរ៉ែ កើនតិចតួច ប៉ុន្តែកំណើននេះឆ្លុះបញ្ជាំងពីការងារ និងសកម្មភាពអាជីវកម្មរបស់អាជ្ញាបណ្ណប្រភេទរ៉ែនីមួយៗ។

បច្ចុប្បន្ន ក្រសួងរ៉ែ និងថាមពល បានផ្តល់អាជ្ញាប័ណ្ណអាជីវកម្មខ្សាច់គ្រប់ប្រភេទសរុបជាង ១០០អាជ្ញាប័ណ្ណនៅទូទាំងប្រទេស ខណៈក្រសួងក៏បានផ្តល់អាជ្ញាប័ណ្ណសិក្សាស្វែងរករ៉ែលោហៈចំនួន ៤០ នៅទូទាំងប្រទេសផងដែរ៕

• ថាមពល និងបរិស្ថាន
• Energy and Environment
• ថាមពល និងបរិស្ថាន