ជប៉ុនគ្រោងវិនិយោគបង្កើតរោងចក្រអគ្គិសនីឧស្ម័នធម្មជាតិ និងពន្លឺព្រះអាទិត្យនៅកម្ពុជា

• 28 ខែ​ធ្នូ 2021
• Uncategorized
• 4 មើល

ស្ថានទូតជប៉ុនប្រចាំនៅកម្ពុជា បានឱ្យដឹងថា វិនិយោគិនជប៉ុនមានផែនការចង់បង្កើតគម្រោងជាច្រើនលើគម្រោងថាមពលកកើតឡើងវិញនៅកម្ពុជា។

នេះជាការលើកឡើងរបស់ឯកឧត្ដម ម៉ាសាហ៊ីរ៉ូ មិកាមី ឯកអគ្គរាជទូតជប៉ុនប្រចាំកម្ពុជា ក្នុងជំនួបជាមួយសម្តេចតេជោ ហ៊ុន សែន នាយករដ្ឋមន្រ្តីកម្ពុជា កាលពីថ្ងៃទី២៨ ធ្នូ នេះ។

លោកលើកឡើងថា៖ «ជប៉ុនមានក្រុមហ៊ុនមួយចំនួនគ្រោងបង្កើតរោងចក្រផលិតអគ្គិសនីដោយឧស្ម័នធម្មជាតិ និងពន្លឺព្រះអាទិត្យនៅកម្ពុជា»។

ជាមួយគ្នានោះ ឯកឧត្តមឯកអគ្គរាជទូត ក៏បានជម្រាបជូនសម្ដេចតេជោនូវការគាំទ្ររបស់ជប៉ុន ធ្វើយ៉ាងណាជំរុញកំពង់ផែខេត្តព្រះសីហនុឱ្យក្លាយទៅជាកំពង់ផែស្នូលរបស់ប្រទេសកម្ពុជា។

ជាការឆ្លើយតប សម្ដេចបានស្វាគមន៍ចំពោះគម្រោងវិនិយោគរបស់ក្រុមហ៊ុននានា និងអរគុណជប៉ុនចំពោះកិច្ចសហប្រតិបត្តិការដ៏ស្អិតរមួត។

• ការវិនិយោគ និងមូលធន
• Investment and Funding
• ការវិនិយោគ និងមូលធន