English 
ខ្មែរ 
ដីឡូត៍តូចៗបង្កហានិភ័យដល់ការវិនិយោគ
ចំពោះការរីកចំរើនយ៉ាងឆាប់រហ័សនៃជំនួញបែងចែកដីឡូតិ៍នៅទូទាំងប្រទេស អ្នករកស៊ីក្នុងឧស្សាហកម្មនេះបានព្រមានថា ការខ័ណ្ឌបែងចែកដីឡូតិ៍ដោយមិនមានហេដ្ឋារចនាសម្ព័ន្ធគ្រប់គ្រាន់ នឹងធ្វើឲ្យដីទាំងនោះត្រូវបានទុកចោលដោយគ្មានការអភិវឌ្ឍន៍។
សព្វថ្ងៃនេះ មានគម្រោងបែងចែកដីរាប់រយកំពុងត្រូវបានអភិវឌ្ឍដោយអ្នកលក់ដីក្នុងតំបន់ ជាពិសេសនៅរាជធានីភ្នំពេញមានការអភិវឌ្ឍយ៉ាងលឿន និងការពង្រីកជាយក្រុង នៅក្នុងខណ្ឌដង្កោ ខណ្ឌពោធិ៍សែនជ័យ ខណ្ឌមានជ័យ និងខណ្ឌជ្រោយចង្វារ។ ដីឡូតិ៍ទំហំ ៤.៥ ម x ១២ ម, ៤.៥ ម x ១៦ ម និង ៥ ម x ១៦ ម គឺមានច្រើនជាធម្មតាសម្រាប់ការធ្វើពាណិជ្ជកម្ម ចំណែកដីដែលមានទំហំធំជាងនេះ គឺកម្រមានសម្រាប់ពាណិជ្ជកម្មណាស់។
ទោះយ៉ាងណាអ្នកទិញអចលនទ្រព្យដែលគ្មានការអភិវឌ្ឍទាំងនេះ ជាទូទៅយល់ឃើញថាពួកគេមានដីដែលមានទំហំតូចពេកសម្រាប់ធ្វើការអភិវឌ្ឍ។ អ្វីដែលសំខាន់ជាងនេះទៀតនោះគឺថា ភាគច្រើននៃពួកគេមិនដឹងថា ការពិតទៅទំហំដីរបស់ពួកគេនឹងត្រូវបានច្បាប់កាត់បន្ថយបន្ថែម ដោយតម្រូវថាគ្មានអ្វីដែលអាចត្រូវបានសាងសង់ឡើងនៅលើប្រវែងពីរម៉ែត្រនៃដីនៅជុំវិញផ្ទះនោះទេ ព្រមទាំង៣០សង់ទីម៉ែតផ្សេងទៀត ត្រូវបម្រុងទុកសម្រាប់ប្រព័ន្ធលូលំនៅដ្ឋាន។
ភាគច្រើននៃអ្នកលក់ដីជាច្រើន បានបំពានវិធានបញ្ញត្តិរបស់ក្រសួងរៀបចំដែនដី នគរូបនីយកម្ម និងសំណង់ ដោយសង់ផ្លូវថ្នល់ត្រឹមតែទំហំ 6 ម៉ែត្រជំនួសឲ្យទំហំ 7-10 ម៉ែត្រដែលតម្រូវដោយក្រសួង និងមិនមានប្រព័ន្ធលូមិនគ្រប់គ្រាន់។
លោក Chrek Soknim ប្រធានក្រុមហ៊ុន Century 21 Mekong បានប្រាប់ភ្នំពេញប៉ុស្តិ៍កាលពីឆ្នាំមុនថា ម្ចាស់ដីមិនមានលុយគ្រប់គ្រាន់ដើម្បីធ្វើឲ្យប្រសើរឡើងនូវហេដ្ឋរចនាសម្ព័ន្ធ និងអាចប្រឈមនឹងបញ្ហាច្បាប់នៅក្នុងការអភិវឌ្ឍន៍ក្បាលដីតូចៗរបស់ខ្លួន។ ការធ្វើជំនួញដីឡូតិ៍អាចបណ្តាលឲ្យមានបញ្ហាសម្រាប់ការអភិវឌ្ឍន៍ ព្រោះថាម្ចាស់ដីឡូតិ៍មិនអាចទទួលបានប្រព័ន្ធលូសាធារណៈដែលសមស្រប។
ដោយយល់ស្របតាមលោក Soknim ដែរ លោក Nguon Chhayleang នាយកប្រតិបត្តិរបស់ក្រុមហ៊ុនRatanak Realty បានមើលឃើញពីឱកាសច្រើនជាងបញ្ហាប្រឈម ហើយលើកឡើងថា ដីមិនបានរីកធំដូចមនុស្សនោះទេ ប៉ុន្តែលោកលើកទឹកចិត្តឲ្យអ្នកអភិវឌ្ឍន៍ផ្តល់អាទិភាពដល់ចីរភាពនៅក្នុងគម្រោងរបស់ខ្លួន។
លោកបានប្រាប់ទស្សនាវដ្តីសំណង់ និងអចលនទ្រព្យថា ក្នុងនាមយើងជាអ្នកអភិវឌ្ឍន៍ចូរកុំគ្រាន់តែធ្វើការបែងចែកដីជាឡូតិ៍ លក់ ហើយចាកចេញពីតំបន់ ប៉ុន្តែត្រូវគិតថា នរណានឹងប្រើប្រាស់ដីរបស់យើង។
លោក Chhaleang ក៏បានផ្តល់ដំបូន្មានឲ្យអ្នកទិញអចលនទ្រព្យធ្វើការពិនិត្យមើលនូវគុណភាពរបស់គម្រោងអភិវឌ្ឍន៍ផងដែរ ដោយក្នុងនោះលោកបានបញ្ជាក់ថា អ្នកទិញគួរសួរអ្នកអភិវឌ្ឍន៍ពីគម្រោងរបស់គេក្រោយពេលដែលគេលក់អស់នូវដីឡូតិ៍នោះ ព្រោះថាអ្នកគ្រប់គ្រងល្អអាចជំរុញឲ្យតម្លៃដីនៅកន្លែងនោះមានការកើនឡើង។
លោក Chhayleang បច្ចុប្បន្នគឺជាភ្នាក់ងារលក់ និងអ្នកគ្រប់គ្រងគម្រោងបែងចែកដីឡូតិ៍លក់ទំហំ៥ហិចតា របស់ក្រុមហ៊ុន Surin Phumi ដែលបានដាក់លក់ក្នុងខែតុលា ឆ្នាំ ២០១៥ និងដែលមានទីតាំងនៅតាមបណ្តោយផ្លូវជាតិលេខ២ ក្បែរច្រកចេញនៃមហាវិថីសម្តេច ហ៊ុន សែន ដែលជាមហាវិថីធំជាងគេនៅក្នុងទីក្រុង។ គម្រោងនេះមានដីឡូតិ៍ជាង១៤៧ ទំហំចាប់ពី១០៤ ដល់ ៦០៣ ម៉ែត្រការ៉េ។
លោកបានអះអាងថា គម្រោង Surin Phumi អាចឈរនៅលើទីផ្សារបានដោយមូលហេតុបីយ៉ាង គឺ គុណភាព ការគ្រប់គ្រងដ៏រឹងមាំ និងការផ្តល់នូវបរិយាកាសស្រស់ស្រាយបែបធម្មជាតិ។ ដីមានគុណភាពខ្ពស់ និងត្រៀមខ្លួនជាស្រេចសម្រាប់ការកសាងហេដ្ឋារចនាសបម្ព័ន្ធដូចជា ផ្លូវថ្នល់បេតុង សួនច្បារ ការតភ្ជាប់ទឹក និងអគ្គិសនី ព្រមទាំងប្រព័ន្ធលូបង្ហូរ។ ក្រៅពីការចាក់បំពេញដីឲ្យឡើងស្មើផ្លូវជាតិដើម្បីការពារទឹកជំនន់នាពេលអនាគតអ្នកអភិវឌ្ឍន៍ក៏បានសាងសង់ផ្លូវធំដើម្បីចូលទៅកាន់ដី ដែលមានទំហំដល់ទៅ 15.5 ម៉ែត្រផងដែរ។
លោក Chhayleang ក៏បានលើកឡើងផងដែរថា ក្រុមហ៊ុន Ratanaka ទទួលខុសត្រូវចំពោះការត្រួតពិនិត្យមើលគម្រោងនេះ តាំងពីការលក់រហូតដល់ការងារគ្រប់គ្រងការអភិវឌ្ឍទាំងមូល និងបានប្តេជ្ញាចិត្តធ្វើឲ្យគម្រោងនេះមានរយៈពេលវែង និងជាការអភិវឌ្ឍប្រកបដោយចីរភាព។
ជាចុងក្រោយ គម្រោង SurinPhumi រក្សាមួយផ្នែកធំនៃដីសម្រាប់លំហបៃតង និងសាងសង់របងនៅតាមបណ្តោយព្រំប្រទល់ ដើម្បីធានាសន្តិសុខ និងសុវត្ថិភាព ព្រមទាំងធ្វើឲ្យអ្នកទិញអាចរីករាយជាមួយនឹងធម្មជាតិជុំវិញខ្លួន។
ដោយសារគម្រោងបានលក់អស់ជាង 100% នៃដំណាក់កាលទី 1 ដូចនេះគម្រោង SurinPhumi គ្រោងនឹងបើកដំណើរការដំណាក់កាលទី 2 ខែដើមឧសភា។