តម្លៃការនាំចូលដែក និងដែកថែប ក្នុងត្រីមាសទី ១ មានដល់៨៤លានដុល្លារ កើន៣,៥%

• 18 ខែ​មេសា 2022
• ព័ត៌មានអចលនទ្រព្យ
• 11 មើល

តម្លៃនៃការនាំចូលដែក និងដែកថែបក្នុងត្រីមាសទី ១ ឆ្នាំ ២០២២ នេះ មានដល់ទៅជាង ៨៤លានដុល្លារ ដែលកើនឡើង ៣,៥% ធៀបនឹងរយៈពេលដូចគ្នា កាលពីឆ្នាំមុន។ នេះយោងតាមរបាយការណ៍របស់អគ្គនាយកដ្ឋានគយនិងរដ្ឋាករកម្ពុជា។

របាយការណ៍បន្ដថា សម្រាប់ខែមីនា ឆ្នាំ ២០២២ តែមួយខែ ទឹកប្រាក់នៃការនាំចូលដែក និងដែកថែប មានដល់ទៅ ២៦,២៩ លានដុល្លារ។

លើសពីនេះ ក្នុងរយៈពេលត្រីមាសទី១នេះ ចំណូលគយសរុបមានដល់ជាង ៥៩០ លានដុល្លារអាមេរិក ហើយក្នុងនោះសម្ភារសំណង់និងកម្រៃផ្សេងៗមានចំនួន ៥,៩% ឬ៣៤ លានដុល្លារ។

អត្រាខ្ពស់នៃចំណូលពន្ធលើការនាំចូលសម្ភារៈសំណង់នេះ បានឆ្លុះបញ្ជាំងពីការងើបឡើងវិញនៃសកម្មភាពសំណង់។

• construction material