English 
ខ្មែរ 
នីតិវិធីថ្មីសម្រាប់ការប្រមូលពន្ធអចលនទ្រព្យ
ចាប់ផ្តើមពីខែមិថុនា នេះតទៅ រាល់ការផ្ទេរនូវកម្មសិទ្ធិលើអចលនទ្រព្យ ឬអចលនទ្រព្យដែលមានសិទ្ធិកម្មសិទ្ធិនៅក្នុងប្រទេសកម្ពុជា ត្រូវតែអនុវត្តតាមគោលការណ៍ណែនាំថ្មីស្តីពីការប្រមូលពន្ធ ដែលមានគោលបំណងដើម្បីធានានូវតម្លាភាព និងភាពងាយស្រួល។
ប្រកាសចុះថ្ងៃទី ១៤ ខែមិថុនា ឆ្នាំ២០១៦ ដោយអគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានបញ្ជាក់ថា សម្រាប់អចលនទ្រព្យដែលបានចុះបញ្ជីហើយ (ដោយមានប័ណ្ណកម្មសិទ្ធិ) ដែលធ្វើការផ្ទេរកម្មសិទ្ធិទាំងមូល ឬមួយផ្នែក (ដោយធ្វើការបំបែកក្បាលដី ឬពុះដីសម្រាប់លក់) អ្នកទទួលកម្មសិទ្ធិមានកាតព្វកិច្ចផ្លូវច្បាប់ ត្រូវបង់ពន្ធលើការចុះបញ្ជីចំនួន ៤ ភាគរយ ទៅឲ្យរដ្ឋាភិបាល។
នៅក្នុងករណីដែលអចលនទ្រព្យត្រូវបានចុះបញ្ជីរួចហើយ (ដោយមានប័ណ្ណកម្មសិទ្ធិ) ដែលបានផ្ទេរកម្មសិទ្ធិ (ដោយធ្វើការបំបែកក្បាលដី ឬពុះដីសម្រាប់លក់) នៅត្រឹមកម្រិតឃុំ-សង្កាត់ ឬក្រុង-ស្រុក-ខណ្ឌ ឧទាហរណ៍ កម្មសិទ្ធិមិនទាន់បានចុះបញ្ជី អ្នកទទួលកម្មសិទ្ធិនឹងត្រូវបង់ថ្លៃពន្ធលើការចុះបញ្ជី ៤ភាគរយដូចដែលមានចែងក្នុងច្បាប់ផងដែរ។
សម្រាប់អចលនទ្រព្យមិនទាន់បានចុះបញ្ជី (ដោយគ្មានប័ណ្ណកម្មសិទ្ធិ) នៅពេលដែលកម្មសិទ្ធិលើអចលនទ្រព្យត្រូវបានផ្ទេរទាំងស្រុង ឬមួយផ្នែក (ដោយធ្វើការបំបែកក្បាលដី ឬពុះដីសម្រាប់លក់) អ្នកទទួលកម្មសិទ្ធិនឹងត្រូវបង់ថ្លៃពន្ធលើការចុះបញ្ជី ៤ ភាគរយដូចអចលនទ្រព្យដែលចុះបញ្ជីហើយដែរ ។
យោងតាមប្រកាសនេះ មានស្ថានភាពមួយចំនួនដែលការផ្ទេរកម្មសិទ្ធិនៃអចលនទ្រព្យ ឬម្ចាស់កម្មសិទ្ធិអចលនទ្រព្យមិនចាំបាច់បង់ថ្លៃពន្ធលើការចុះបញ្ជីដែលរួមមាន៖
- ការទទួលបានកម្មសិទ្ធិតាមរយៈសម្បទានសេដ្ឋកិច្ច ឬសម្បទានសង្គមកិច្ចពីរាជរដ្ឋាភិបាល លើទ្រព្យសម្បត្តិឯកជនរបស់រដ្ឋ ដើម្បីផ្តល់ឲ្យគ្រួសារក្រីក្រដែលត្រូវការដីសម្រាប់សាងសង់លំនៅដ្ឋាន ធ្វើកសិឧស្សាហកម្ម ឬការដាំដុះជាលក្ខណៈគ្រួសារ។
- ការទទួលបានកម្មសិទ្ធិដែលបានចុះបញ្ជីនៅក្នុងអង្គភាពណាមួយរបស់ក្រសួងនៅក្នុងប្រទេសកម្ពុជា។
- ការទទួលបានកម្មសិទ្ធិក្នុងនាមជាបេសកកម្មការទូត ឬស្ថានកុងស៊ុលបរទេស ឬអង្គការអន្តរជាតិ ឬទីភ្នាក់ងារសហប្រតិបត្តិការអន្តរជាតិនៃរដ្ឋាភិបាលប្រទេសណាមួយនៅក្នុងប្រទេសកម្ពុជា ។
- ការទទួលបានកម្មសិទ្ធិតាមរយៈសន្តតិកម្មរបស់គ្រួសារក្នុងចំណោមសាច់ញាតិ ការផ្ទេរកម្មសិទ្ធិរវាងឪពុកម្តាយបង្កើតនិងកូន ប្ដីនិងប្រពន្ធ ជីដូនជីតានិងចៅ និងអំណោយរវាងឪពុកម្តាយបង្កើតនិងកូន ប្តីនិងប្រពន្ធ និងជីដូនជីតានិងចៅ សម្រាប់តែការផ្ទេរកម្មសិទ្ធិជាលើកដំបូង។
ពន្ធលើការចុះបញ្ជីក៏ត្រូវបានលើកលែងចំពោះស្ថានភាពដូចខាងក្រោមផងដែរ ៖
- ការផ្ទេរកម្មសិទ្ធិ ឬកម្មសិទ្ធិលើអចលនទ្រព្យ តាមរយៈសន្តតិកម្មពីសាច់ញាតិ រវាងបងប្អូនបង្កើត ឪពុកម្តាយនិងកូនប្រសារ ត្រូវបានដកចេញចំនួន ២០០.០០០.០០០ រៀលពីតម្លៃគិតពន្ធមូលដ្ឋានសម្រាប់សន្តតិកម្ម និង ១០០.០០០.០០០ សម្រាប់អំណោយ។
- ការផ្ទេរកម្មសិទ្ធិ ឬកម្មសិទ្ធិលើអចលនទ្រព្យម្តងហើយម្តងទៀត ចាប់ពីលើកទីពីរឡើងទៅ មិនថាជាអំណោយ ឬសន្តតិកម្ម ពីសាច់ញាតិ រវាងឪពុកម្តាយបង្កើត និងកូន ប្តី និងប្រពន្ធ ជីដូនជីតានិងចៅ ត្រូវបានដកចេញចំនួន ១០០០.០០០.០០០ រៀលពីតម្លៃគិតពន្ធមូលដ្ឋាន។