រដ្ឋត្រូវការថវិកាជាង ១៧ប៊ីលានដុល្លារសម្រាប់វិនិយោគលើអនុវិស័យធំៗ ៤ ម ដល់ឆ្នាំ២០២៤

• 22 ខែ​មេសា 2022
• Uncategorized
• 4 មើល

រាជរដ្ឋាភិបាលកម្ពុជា ត្រូវការថវិកាប្រមាណ ១៧,៥ប៊ីលានដុល្លារ ដើម្បីវិនិយោគលើវិស័យឧស្សាហកម្មទូទៅ សម្រាប់ឆ្នាំ២០២២ ដល់២០២៤។ នេះបើយោងតាមរបាយការណ៍ស្តីពីកម្មវិធីវិនិយោគសាធារណៈ ៣ ឆ្នាំរំកិល (PIP) 2022-2024 របស់ក្រសួងផែនការ។

បើបែងចែកតាមឆ្នាំ ឆ្នាំ២០២២នេះ រដ្ឋនឹងត្រូវការទុនប្រមាណ ៥,៣ ប៊ីលានដុល្លារ ខណៈ ឆ្នាំ២០២៣ ត្រូវការ ៥,៩ប៊ីលានដុល្លារ ហើយឆ្នាំ ២០២៤ ៦,២ប៊ីលានដុល្លារ។

របាយការណ៍នេះបានបន្តថា វិស័យឧស្សាហកម្មទូទៅ សំដៅលើការរុករករ៉ែ ផលិតកម្ម អគ្គិសនី ឧស្ម័ន និងទឹក និងអនុវិស័យសំណង់។

អនុវិស័យសំណង់ នឹងត្រូវការថវិកាវិនិយោគ ៩,២ប៊ីលានដុល្លារ ខណៈវិស័យផលិតកម្មត្រូវការ ៦ប៊ីលានដុល្លារ ហើយវិស័យអគ្គិសនី ឧស្ម័ន និងទឹក ត្រូវការ ១,៩ប៊ីលានដុល្លារ។

គួរបញ្ជាក់ថា រដ្ឋាភិបាល បាននិងកំពុងសាងសង់អគារសាធារណៈ ស្ពាន ផ្លូវថ្នល់ និងហេដ្ឋារចនាសម្ព័ន្ធផ្សេងៗទៀត ដែលជាផ្នែកមួយនៃចក្ខុវិស័យរបស់ខ្លួនក្នុងការប្រែក្លាយកម្ពុជាទៅជាប្រទេសដែលមានចំណូលមធ្យមនៅឆ្នាំ ២០៣០។

• ការវិនិយោគ និងមូលធន
• Investment and Funding
• ការវិនិយោគ និងមូលធន