ស្ត្រី​មាន​បំផុត​នៅ​អាស៊ី​បាត់បង់​ទ្រព្យសម្បត្តិជាង​៥០% ​ក្នុង​វិបត្តិ​អចលនទ្រព្យ​នៅ​ចិន

• 28 ខែ​កក្កដា 2022
• ព័ត៌មានអចលនទ្រព្យ
• 5 មើល

វិបិត្តអចលនទ្រព្យនៅចិន បណ្តាលឱ្យស្ត្រី​មាន​បំផុត​នៅ​អាស៊ី​បាន​បាត់​បង់​ទ្រព្យ​សម្បត្តិ​ជាង​ពាក់​កណ្តាល​ក្នុង​ឆ្នាំ​កន្លង​ទៅ។

មហាសេដ្ឋីស្រីដែលមានបំផុតម្នាក់នេះ ឈ្មោះថា Yang Huiyan។ នាងមានដើមកំណើតជាជនជាតិចិន ហើយជាអ្នកជំនួញផង ជាអ្នកអភិវឌ្ឍន៍អចលនទ្រព្យផង ជាពិសេសជាម្ចាស់ក្រុមហ៊ុនយក្ស Country Garden Holdings ដែលជាកេរ្តិ៍ពីឪពុករបស់នាង Yang Guoqiang ក្នុងឆ្នាំ 2007 ។

ហើយនាងបានក្លាយជាស្ត្រីដែលមានជាងគេបំផុតនៅអាស៊ី បន្ទាប់ពីមានការប្រកាសចេញ ជាសាធារណៈដោយអ្នកអភិវឌ្ឍន៍នៅហុងកុងកាលពី២ឆ្នាំមុន។

ក្នុងអំឡុងវិបត្តិកាលពីឆ្នាំមុន ទ្រព្យសម្បត្តិសុទ្ធរបស់ Yang Huiyan  បានធ្លាក់ចុះជាង 52ភាគរយ គឺធ្លាក់ពី ២៣,៧ពាន់លានដុល្លារ មកនៅត្រឹម ១១,៣ ពាន់លានដុល្លារ នេះបើយោងតាមការចុះផ្សាយរបស់ CNA នៅថ្ងៃទី២៨ កក្កដា ២០២២។

មហាជនចាប់ផ្តើមមានការភ្ញាក់ផ្អើលនិងចាប់អារម្មណ៍ជាខ្លាំងនៅពេលដែលក្រុមហ៊ុន Country Garden នៅហុងកុង បានប្រកាសថា ខ្លួននឹងលក់ភាគហ៊ុនថ្មីៗដើម្បីប្រមូលប្រាក់ ដោយសារភាគហ៊ុនខ្លួនមានធ្លាក់ចុះ ១៥ភាគរយ ។

មួយវិញទៀត កន្លងមកក្រុមហ៊ុន Country Garden មិនដែល ភ័យខ្លាចនឹងភាពចលាចលនៃវិបត្តិសាច់ប្រាក់នោះទេ ប៉ុន្តែថ្មីៗនេះវិញ ក្រុមហ៊ុនបែរជា  ធ្វើឱ្យអ្នកវិនិយោគភ្ញាក់ផ្អើលជាខ្លាំងជាមួយនឹងការប្រកាស ថាខ្លួនគ្រោងនឹងប្រមូលប្រាក់ឱ្យបាន ៣៤៣លានដុល្លារតាមរយៈការលក់ភាគហ៊ុនមួយផ្នែកដើម្បីសងបំណុលទៅវិញ។

• ធុរកិច្ច និងទីផ្សារ
• ធុរកិច្ច និងទីផ្សារ