ស្ថានីយថាមពលសូឡា អនុភាព៦០មេហ្គាវ៉ាត នៅកំពង់ឆ្នាំង នឹងចាប់ផ្តើមសាងសង់នៅឆ្នាំក្រោយ

• 29 ខែ​កក្កដា 2021
• Uncategorized
• 13 មើល

ការដ្ឋានសាងសង់ស្ថានីយថាមពលពន្លឺព្រះអាទិត្យ (សូឡា) តម្លៃ ៣៧លានដុល្លារ អនុភាព៦០មេហ្គាវ៉ាត នៅខេត្តកំពង់ឆ្នាំង គ្រោងនឹងចាប់ផ្តើមនៅដើមឆ្នាំក្រោយ។ នេះបើយោងតាមក្រសួងរ៉ែ និងថាមពល។

គម្រោងនេះនឹងសាងសង់ក្រោមកម្ចីហិរញ្ញប្បទានតម្លៃជាង ៣៧លានដុល្លារ ពីធនាគារអភិវឌ្ឍន៍អាស៊ី ADB នៅក្រោមគម្រោង Cambodia National Solar Park។

នេះជាដំណាក់កាលទី១ នៃគម្រោង Cambodia National Solar Park ដែលគម្រោងដំណាក់កាលទី២ អានុភាព ៤០មេហ្គាវ៉ាត កំពុងស្ថិតក្នុងការដេញថ្លៃរកក្រុមហ៊ុនវិនិយោគនៅឡើយ។ ប៉ុន្តែ គម្រោងទាំង២ នេះស្ថិតក្នុងស្រុកទឹកផុស ខេត្តកំពង់ឆ្នាំង ដូចគ្នា។ (អានបន្ថែម)

ឯកឧត្តម វិកទ័រ ហ្សូណា បានឱ្យដឹងថា ការដ្ឋានគម្រោងរោងចក្រទី ២ នេះ អាចនឹងចាប់ផ្ដើម នៅដើមឆ្នាំក្រោយ ព្រោះADB នៅមាននីតិវិធីវែងឆ្ងាយ។

«ជាទូទៅ បើនីតិវិធីរបស់យើង ឧទាហរណ៍ថា ពេលយើងចរចាថ្លៃគ្នាត្រូវហើយ គឺគេចាប់ផ្តើមសាងសង់ភ្លាម។ ប៉ុន្តែADB ត្រូវធ្វើតាមនីតិវិធីរបស់គេ» ឯកឧត្តមបានបន្ត។

គម្រោងដំណាក់កាលទី១ ដែលមានអនុភាព៦០មេហ្គាវ៉ាត គឺវិនិយោគដោយក្រុមហ៊ុនប្រទេសថៃ Prime Road ជាមួយនឹងតម្លៃលក់អគ្គិសនី ទៅEDC ០,៣៨៧៧ ដុល្លារ ក្នុងមួយគីឡូវ៉ាត់ម៉ោង។

• ថាមពល និងបរិស្ថាន
• Energy and Environment
• ថាមពល និងបរិស្ថាន