អគ្គិសនីកម្ពុជាដាក់ដំណើរការខ្សែបញ្ជូន ១១៥គីឡូវ៉ុល កំពង់ចាម-ក្រចេះ និងអនុស្ថានីយថ្មីមួយ

• 8 ខែ​កញ្ញា 2021
• Uncategorized
• 8 មើល

អគ្គិសនីកម្ពុជា បានបើកដំណើរការខ្សែបញ្ជូន ១១៥គីឡូវ៉ុល ប្រវែងប្រមាណ១០០គីឡូម៉ែត្រ ភ្ជាប់ពីក្រុងកំពង់ចាមទៅស្រុកព្រែកប្រសព្វ នៃខេត្តក្រចេះ ព្រមជាមួយនឹង អនុស្ថានីយអគ្គិសនីព្រែកប្រសព្វ ១១៥/២២០គីឡូវ៉ុល កម្លាំង ៥០មេហ្គាវ៉ាត់ នៅក្នុងឃុំព្រែកប្រសព្វ នៃស្រុកព្រែកប្រសព្វនេះផងដែរ។

ខ្សែបញ្ជូន និងអនុស្ថានីយថ្មីនេះ ជាផ្នែកមួយនៃគម្រោងកិច្ចសហប្រតិបត្តិការ រវាងកម្ពុជា និងប្រទេសបារាំង តាមរយៈទីភ្នាក់ងារអភិវឌ្ឍន៍បារាំង (ADF) ដែលបានផ្តល់ឥណទានសម្បទានដល់អគ្គិសនីកម្ពុជា ដើម្បីបង្កើនវិសាលភាពនៃការផ្គត់ផ្គង់អគ្គិសនី។

បើយោងតាមការចុះផ្សាយរបស់សារព័ត៌មាន Freshnews កាលពីថ្ងៃទី៧ ខែកញ្ញា អគ្គិសនីកម្ពុជា ក៏កំពុងសាងសង់អនុស្ថានីយ ១១៥/២២គីឡូវ៉ុល កម្លាំង៥០MVA ថែមមួយទៀត នៅក្នុងទីរួមស្រុកស្ទឹងត្រង់ ដើម្បីបង្កើនការផ្គត់ផ្គង់ទៅស្រុកស្ទឹងត្រង់ ចំការលើ និងបន្តមកស្រុកក្រូចឆ្មារ។

តំបន់ទាំងនេះ កំពុងមានការអភិវឌ្ឍន៍ខ្លាំង ជាពិសេសការដាំដុះដំណាំកសិឧស្សាហកម្ម ដែលនឹងទាក់ទាញអ្នកវិនិយោគកាន់តែច្រើនថែមទៀត និងជាការជួយបង្កើនចំណូលប្រជាពលរដ្ឋ និងជំរុញកំណើនសេដ្ឋកិច្ចជាតិ ដូច្នេះការតភ្ជាប់អគ្គិសនីគឺជារឿងចាំបាច់។

• ថាមពល និងបរិស្ថាន
• Energy and Environment
• ថាមពល និងបរិស្ថាន