ខេត្តព្រះសីហនុមានគម្រោងសាងសង់អគារជាង ១០០០ គម្រោង ក្នុងរយៈពេល២ឆ្នាំ

18 ខែវិច្ឆិកា 2019
Uncategorized
8 មើល

ទិន្នន័យសំណង់ គិតចាប់ពីឆ្នាំ២០១៧ ដល់ខែវិចិ្ឆកា ឆ្នាំ២០១៩ មានចំនួន ១,០៧៦គម្រោង ហើយអគារកម្ពស់ចាប់ពី៥ជាន់ ដល់៤៥ជាន់ មានចំនួន ៨០១គម្រោង ។ នេះបើតាមរដ្ឋបាលខេត្តព្រះសីហនុ។

ប្រភពខាងលើបន្តថា គិតត្រឹមខែតុលា ឆ្នាំ២០១៩ មូលដ្ឋានអាជីវកម្ម សេវាកម្មទេសចរណ៍ ឆ្នាំ២០១៩ មានចំនួនប្រមាណ ៨៨០កន្លែង ក្នុងនោះសណ្ឋាគារ និង ផ្ទះសំណាក់មានជាង ៣៤៥កន្លែង (ប្រមាណ ១០,០៩៨បន្ទប់) និង ភោជនីយដ្ឋាន ៣១៣ កន្លែង។

កន្លងមក មានការព្រួយបាម្ភអំពីការថយចុះនូវតម្រូវការអចលនទ្រព្យក្នុងខេត្តមួយនេះ ប៉ុន្តែគេជឿថា ផ្លូវល្បឿនលឿនតម្លៃ ១,៩ ប៊ីលានដុល្លារ ភ្ជាប់ពីទីក្រុងភ្នំពេញ ទៅកាន់ខេត្តព្រះសីហនុ ដែលបានចាប់ផ្តើមសាងសង់តាំងពី ខែ មីនា ឆ្នាំ២០១៩ មកម្ល៉េះ ហើយត្រូវចំណាយពេលសាងសង់ ៤៨ ខែឲ្យរួចរាល់ នឹងធ្វើឲ្យសេដ្ឋកិច្ចខេត្តព្រះសីហនុងើបឡើងវិញ ដោយសារតែសក្តានុពលចម្រុះរបស់វា រួមទាំងការអភិវឌ្ឍន៍ផ្នែកដឹកជញ្ជូន និងឧស្សាហកម្មកាន់តែច្រើន ដែលនឹងធ្វើឲ្យតំបន់ឆ្នេរមួយនេះក្លាយជាទីក្រុងរមណីយដ្ឋានមានសភាពអ៊ូអរម្តងទៀត។

ម្យ៉ាងវិញទៀត ថវិកាជិត ៣០០លានដុល្លារ សម្រាប់កសាងហេដ្ឋារចនាសម្ព័ន្ធ និង ការស្ថាបនា ផ្លូវក្រុងព្រះសីហនុចំនួន ៣៤ខែ្ស ដែលនឹងកែប្រែមុខមាត់ថ្មីរបស់ខេត្តសក្តានុពលនេះឡើងវិញ៕

- Video Advertisement -