សិក្ខាកាមជាច្រើនបានស្វែងយល់បច្ចេកវិទ្យាថ្មីសម្រាប់ឧស្សាហកម្មនិងសំណង់

16 ខែកញ្ញា 2019
Uncategorized
7 មើល

សិក្ខាកាមប្រមាណជា៧០នាក់បានស្វែងយល់អំពីបច្ចេកវិទ្យាថ្មីសម្រាប់ឧស្សាហកម្ម និងសំណង់នៃផលិតផលស្រទាប់ថ្នាំលាបការពារ ដែលបានធ្វើបទបង្ហាញដោយ ក្រុមអ្នកជំនាញមកពីប្រទេសថៃ ម៉ាឡេស៊ី និងសិង្ហបុរី នៅឯសណ្ឋាគារ The Great Duke Phnom Penh Hotel។

កាលពីថ្ងៃទី ១៤ ខែ កញ្ញា ក្រុមហ៊ុន NCS Global Coatings (Cambodia) Co., Ltd បានរៀបចំវេទិកាពិភាក្សាស្តីអំពីដំណោះស្រាយសម្រាប់ឧស្សាហកម្ម និងសំណង់ ដែលត្រូវ បានបង្ហាញដល់សិក្ខាកាមជាតិ និងអន្តរជាតិមកពីឧស្សាហកម្ម ចំណតជួសជុលកប៉ាល់ ក្រុមហ៊ុនប្រេងឥន្ធនៈ រោងចក្រឧស្សាហកម្ម រោងចក្រថាមពល ម្ចាស់គម្រោង និងអ្នកម៉ៅការ សំណង់ក្រុមហ៊ុនសំណង់ ក្រុមហ៊ុនផលិតដែកថែប និងអ្នកដែលពាក់ព័ន្ធក្នុងវិស័យសាងសង់ ទាំងអស់។

លោក ប៉ោ សួរ នាយកក្រុមហ៊ុន NCS Global Coatings (Cambodia) Co., Ltd បានមាន ប្រសាសន៍ថា៖ «ក្រុមហ៊ុនយើងផ្គត់ផ្គង់ផលិតផលថ្នាំការពារច្រេះ ថ្នាំកូតអ៊ីសូឡង់ការពារ កម្ដៅ និង សំណើម ថ្នាំកូតចំណាងផ្លាតទប់កម្ដៅ ថ្នាំការពារជម្រាបទឹកដោយប្រើ បច្ចេកវិទ្យាណាណូ ឬ Nanotechnology និងម៉ាស៊ីនបាញ់ថ្នាំការពារសម្រាប់ឧស្សាហកម្ម និង សំណង់»។

ក្រៅពីការពិភាក្សារបស់វាគ្មិន កម្មវិធីនេះ ក៏បានធ្វើបទបង្ហាញអំពីរបៀបប្រើប្រាស់ម៉ាស៊ីន បាញ់ថ្នាំ Graco e-Extreme EX45 ដែលជាម៉ាស៊ីនអគ្គិសនីគ្មានខ្យល់សម្រាប់ថ្នាំការពារនៅក្នុង ទីតាំងដែលមានគ្រោះថ្នាក់។

សម្រាប់ព័ត៌មានបន្ថែម សូមផ្ញើមកកាន់គេហទំព័រ sales@ncs-cambodia.com ឬទូរស័ព្ទមកលេខទូរស័ព្ទ ០១១ ៨១១៧១៧ ។