ជប៉ុនជួយធ្វើទំនើបកម្មប្រព័ន្ធលូ និងទឹកកខ្វក់ នៅកម្ពុជា ដោយប្រើបច្ចេកវិទ្យាថ្មី២

• 27 ខែ​តុលា 2022
• Uncategorized
• 7 មើល

ជប៉ុនកំពុងជួយធ្វើទំនើបកម្ម និងពង្រឹងប្រសិទ្ធភាពប្រព័ន្ធលូ និងទឹកកខ្វក់ នៅកម្ពុជា តាមរយៈបច្ចេកវិទ្យាថ្មី ២ គឺវិធីសាស្ត្រខួងបែប Pipe Jacking Method និង ប្រព័ន្ធ WOW to Japan Projects។

ភាគីជប៉ុនបានចែករំលែកបទពិសោធន៍ និងចំណេះដឹងទាក់ទងនឹងបច្ចេកវិទ្យាទាំង ២ ក្នុង សិក្ខាសាលាបច្ចេកទេសរួមគ្នារវាងកម្ពុជា ជប៉ុនកាលពីថ្ងៃទី ២៥ តុលា កន្លងទៅ ដែលដឹកនាំដោយឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន ។

សិក្ខាសាលានេះ ក៏មានការចូលរួមក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន (MLIT) ទីភ្នាក់ងារ JICA Cambodia ក្រសួងបរិស្ថាន សាលារាជធានីភ្នំពេញ ស្ថានទូតជប៉ុន ភ្នាក់ងារការងារទឹកកខ្វក់ជប៉ុន (JS) ក្រុងគីតាឃ្សឹស្សឹ (City of Kitakyushu) ក្រុមហ៊ុនឯកជនជប៉ុន និងមន្ត្រីពាក់ព័ន្ធជាច្រើនរូប។

កិច្ចប្រជុំធ្វើឡើងក្នុងទិសដៅ ពង្រឹង និងពង្រីកការអភិវឌ្ឍ និងគ្រប់គ្រងប្រព័ន្ធទឹកកខ្វក់នៅកម្ពុជា តាមរយៈបទបង្ហាញពីអ្នកជំនាញជប៉ុន។

កម្ពុជាក៏ចង់ជំរុញកិច្ចសហប្រតិបត្តិការកាន់តែស្អិតរមួតថែមមួយកម្រិតទៀត រវាងរដ្ឋាភិបាល វិស័យឧស្សាហកម្ម និងវិស័យឯកជនសិក្សាស្រាវជ្រាវ រវាងប្រទេសទាំង២។

ក្នុងសិក្ខាសាលា ឯកឧត្តមរដ្ឋលេខាធិការ បានជំរុញលើកទឹកចិត្តឱ្យសិក្ខាកាមចូលរួមបញ្ចេញមតិយោបល់ ផ្តល់ជាធាតុចូលបន្ថែម និងពិសេសយល់ដឹងពីបច្ចេកវិទ្យាថ្មីៗ ដែលជប៉ុនបានបង្ហាញ។

• ការវិនិយោគ និងមូលធន
• បច្ចេកវិទ្យា និងវិស្វកម្ម
• Investment and Funding
• ការវិនិយោគ និងមូលធន
• Technology and Engineering