ត្រឹមឆមាសទី១ ឆ្នាំ២០២១ កម្ចីសំណង់ និងអចលនទ្រព្យកើនដល់ជាង ១០ប៊ីលានដុល្លារ

28 ខែកក្កដា 2021
Uncategorized
6 មើល

ត្រឹមឆមាសទី ១ ឆ្នាំ២០២១ កម្ចីអតិថិជនពីគ្រឹះស្ថានធនាគារ បានកើនដល់ជាង ៣៣,៩ ប៊ីលានដុល្លារ ដែលក្នុងនោះវិស័យសំណង់ និងអចលនទ្រព្យ បានរួមចំណែក ៣១% ស្មើនឹងជាង ១០ ប៊ីលានដុល្លារ។

នេះបើតាមរបាយការណ៍ប្រចាំឆមាសទី១ ឆ្នាំ២០២១ របស់ធនាជាតិកម្ពុជា ចេញផ្សាយកាលពីថ្ងទី ២២ កក្កដា ទៅ។

ការរួមចំណែក ៣១% នេះ ត្រូវបានបែងចែក ៣ ប្រភេទ គឺកម្ចីទិញផ្ទះ ដែលរួមចំណែក១៣,១% ឬស្មើនឹង៤,៤៤ ប៊ីលានដុល្លារ កម្ចីក្នុងសកម្មភាពសំណង់ ៩,៥% ស្មើនឹង ៣,២២ ប៊ីលានដុល្លារ និងកម្ចីដើម្បីជួញដូរអចលនទ្រព្យ ៨,៤% ឬស្មើនឹង២,៨៥ ប៊ីលានដុល្លារ។

ដោយឡែក ចំពោះវិស័យមីក្រូហិរញ្ញវត្ថុវិញ ឥណទានអតិថិជនបានកើនឡើងដល់ ៧,៦ ប៊ីលានដុល្លារ ដោយក្នុងនោះវិស័យសំណង់ រួមចំណែក ៣,៧% ឬស្មើនឹងប្រមាណ ៣០០ លានដុល្លារ។

គួរបញ្ជាក់ថា គិតត្រឹមឆមាសឆ្នាំ ២០២១ នេះ ទ្រព្យសកម្មរបស់ប្រព័ន្ធធនាគារសរុប (ទាំងធនាគារ មីក្រូហិរញ្ញវត្ថុ និងផ្សេងៗ) កើនឡើង ១៨% (ដល់ ៦៤,៥ ប៊ីលានដុល្លារអាមេរិក) ដែលក្នុងនោះឥណទានអតិថិជនមានកំណើន ២៣,៤% ផងដែរ។