ការវិនិយោគអចលនទ្រព្យពាណិជ្ជកម្មក្នុងតំបន់ ចាប់ផ្តើមងើបឡើងវិញក្នុងឆមាសទី១

• 29 ខែ​កក្កដា 2021
• ព័ត៌មានអចលនទ្រព្យ
• 10 មើល

ទោះបីស្ថិតក្នុងអំឡុងពេលការនៃរីករាលដាលជំងឺកូវីដ១៩ ការវិនិយោគអចលនទ្រព្យនៅអាស៊ីប៉ាស៊ីហ្វិកជារួម ឃើញថាចាប់ផ្តើមងើបឡើងវិញ ខណៈទុនវិនិយោគមានដល់ ៨៣,៥ពាន់់លានដុល្លារ ពោលគឺកើន ៣៩% ឬជិតប្រហាក់ប្រហែលនឹងមុនពេលមានវិបត្តិកូវីដ១៩ ហើយ។

នេះបើយោងតាមរបាយការណ៍ក្រុមហ៊ុនអចលនទ្រព្យ JLL ចេញផ្សាយនៅក្នុងសារព័ត៌មាន Bangkok Post កាលពីថ្មីៗនេះ។

របាយការណ៍ដដែលបន្តថា ផ្នែកដឹកជញ្ជូនឧស្សាហកម្ម ការិយាល័យ និងវិស័យលក់រាយ (ផ្សារទំនើប) កើនឡើងគួរឱ្យកត់សម្គាល់។

ទំហំវិនិយោគនៅប្រទេសចិន អូស្រ្តាលី និងកូរ៉េខាងត្បូង មានសកម្មភាពខ្លាំងជាង ពោលគឺ ៦៩% នៃការវិនិយោគសរុប ខណៈសកម្មភាពវិនិយោគនៅប្រទេសជប៉ុនរងគ្រោះខ្លាំងជាងគេ រងផលប៉ះពាល់ដោយសារវិបត្តិកូវីដ១៩។

លោក Stuart Crow នាយកប្រតិបតិ្តការទីផ្សារមូលធុនក្នុងតំបន់អាស៊ីប៉ាស៊ីហ្វីកនៃក្រុមហ៊ុន JLL លើកឡើងថា៖ «ការវិនិយោគអចលនទ្រព្យតំបន់អាស៊ីប៉ាស៊ីហ្វីក ងើបឡើងវិញ ស្របពេលដែល វិនិយោគិន បានបង្ហាញទស្សនៈវិជ្ជមានរបស់ពួកគេលើការវិនិយោគ ដែលធានាឱ្យមានការងើបឡើងនៃវិនិយោគនៅក្នុងឆមាសទី១ នេះ»។

ងាកមកកម្ពុជាវិញ នៅក្នុងឆមាសទី១ ឆ្នាំ២០២១នេះ ចំនួនគម្រោងសំណង់ តម្លៃទុនវិនិយោគ និងផ្ទៃក្រឡា បានធ្លាក់ចុះ១១,៤% -៣៤,៣% និង ២៩,៩% រៀងគ្នាៗ បើធៀបទៅនឹងរយៈពេលដូចគ្នានៅឆ្នាំ ២០២០។ នេះបើតាមរបាយការណ៍ របស់ធនាជាតិកម្ពុជា ចេញផ្សាយកាលពីថ្ងទី ២២ កក្កដា ទៅ។ (អានបន្ថែម)

 

• អត្ថបទវិភាគ
• ធុរកិច្ច និងទីផ្សារ
• អត្ថបទវិភាគ
• ធុរកិច្ច និងទីផ្សារ