ខណ្ឌពោធិ៍សែនជ័យនិងស្រុកអង្គស្នួលស្វាគមន៍គម្រោងវិនិយោគធំៗ៣ តម្លៃជាង៨លានដុល្លារ

• 16 ខែ​កញ្ញា 2021
• Uncategorized
• 7 មើល

ក្រុមប្រឹក្សាអភិវឌ្ឍន៍កម្ពុជា (CDC) ទើបតែបានអនុម័តឱ្យក្រុមហ៊ុនឯកជនបោះទុនវិនិយោគ ៨,៥ លានដុល្លារអាមេរិក បង្កើតរោងចក្រចំនួន៣កន្លែង នៅខេត្តកណ្តាល និងរាជធានីភ្នំពេញ។

យោងតាមប្រកាសរបស់ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី ១៥ ខែកញ្ញា ឆ្នាំ២០២១ ក្រុមហ៊ុនដែលទទួលបានការអនុម័តទាំង ៣ រួមមាន៖

១- ក្រុមហ៊ុន NEW T&K TEXTILE CO., LTD វិនិយោគប្រមាណ ២លានដុល្លារអាមេរិក បង្កើតរោងចក្រកាត់ដេរសម្លៀកបំពាក់ នៅភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។

២- ក្រុមហ៊ុន YUAN SHEN TAI CO., LTD វិនិយោគ ៣,២លានដុល្លារអាមេរិក បង្កើតរោងចក្រផលិតស្បែកជើង និងគ្រឿងបន្សំស្បែកជើង នៅភូមិអណ្តូង ឃុំបែកចាន ស្រុកអង្គស្នួល។

៣- ក្រុមហ៊ុន FORTUNE BROAD FOOTWEAR CO., LTD វិនិយោគ ៣,៣លានដុល្លារអាមេរិក បង្កើតរោងចក្រផលិតស្បែកជើង និងគ្រឿងបន្សំស្បែកជើង នៅភូមិអង្គស្នួលទី២ ឃុំពើក ស្រុកអង្គស្នួល ខេត្តកណ្តាល។

គម្រោងវិនិយោគរោងចក្រថ្មីទាំង៣កន្លែងនេះ នឹងជួយបង្កើតការងារដល់ប្រជាពលរដ្ឋកម្ពុជា រហូតដល់ ៤ ៣០៦ កន្លែង ។

គួរបញ្ជាក់ដែរថា បើយោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា(CDC)បានបង្ហាញថា គិតត្រឹមឆមាសទី១ ឆ្នាំ២០២១ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគថ្មី និងគម្រោងពង្រីកផលិតកម្មសរុប ៨៧គម្រោង ឬស្មើនឹងទុនវិនិយោគចំនួនជិត ៣ពាន់លានដុល្លារ ដែលកើនប្រមាណ ១០% ឬស្មើនឹង ៣១៥លានដុល្លារអាមេរិក៕ (អានបន្ថែម)

• ការវិនិយោគ និងមូលធន
• ធុរកិច្ច និងទីផ្សារ
• Investment and Funding
• Business and Market
• ការវិនិយោគ និងមូលធន
• ធុរកិច្ច និងទីផ្សារ