សម្ដេចហ៊ុន សែន៖ កម្ពុជានឹងក្លាយជាបណ្ដុំផលិតកម្ម ធុរកិច្ច និងវិនិយោគសក្ដានុពលក្នុងតំបន់

• 24 ខែ​វិច្ឆិកា 2021
• Uncategorized
• 6 មើល

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្ដេជ្ញាថា នឹងបន្ដអនុវត្តគោលនយោបាយនានាបន្ថែម ដើម្បីទាក់ទាញការវិនិយោគបរទេស ទិសដៅដើម្បីប្ដូរមុខមាត់កម្ពុជា ឱ្យទៅជាបណ្ដុំផលិតកម្ម ធុរកិច្ច និងការវិនិយោគ ដែលមានសក្តានុពលមួយនៅក្នុងតំបន់។

សម្តេចតេជោ ហ៊ុន សែន បានលើកឡើងដូច្នេះក្នុងសន្ទរកថាបើកវេទិកាសេដ្ឋកិច្ច និងធុរកិច្ចអាស៊ី-អ៊ឺរ៉ុប លើកទី១ តាមប្រព័ន្ធអនឡាញ នៅថ្ងៃទី២៤ ខែវិច្ឆិកានេះ។

សម្តេចបន្ដថា កម្ពុជាបាន និងកំពុងដាក់ចេញ និងអនុវត្តគោលនយោបាយច្បាស់លាស់ជាច្រើន ដូចជាការកសាងហេដ្ឋារចនាសម្ព័ន្ធ ការកែលម្អប្រព័ន្ធដឹកជញ្ជូន ការសម្រួលនិតីវិធីធ្វើពាណិជ្ជកម្ម ការអភិវឌ្ឍធនធានមនុស្ស ការរៀបចំប្រព័ន្ធបច្ចេកវិទ្យាព័ត៌មាន និងឌីជីថល និងការអភិវឌ្ឍន៍វិស័យហិរញ្ញវត្ថុ ជាដើម។

គួរបញ្ជាក់ថា សេដ្ឋកិច្ចកម្ពុជាចាប់ផ្ដើមងើបឡើងបណ្ដើរៗហើយក្រោយការបើកប្រទេស។ ក្នុងរយៈពេល ៩ ខែ នៅឆ្នាំ២០២១ រដ្ឋាភិបាលប្រមូលចំណូលចរន្តប្រមាណជិត៣ប៊ីលានដុល្លារ ស្មើនឹង ៧៥% ធៀបនឹងច្បាប់ថវិកា។

• ធុរកិច្ច និងទីផ្សារ
• Business and Market
• Economy and Finance
• ធុរកិច្ច និងទីផ្សារ