ក្រសួងចេញផែនការថ្មី ១០ចំណុចទៀត ដើម្បីប្រែ​ខេត្តព្រះសីហនុជាតំបន់សេដ្ឋកិច្ចគំរូពហុបំណងមេត្រីបរិស្ថាន

• 18 ខែ​កក្កដា 2022
• Uncategorized
• 9 មើល

ក្រសួងបរិស្ថាន បានដាក់ចេញផែនការសកម្មភាពបច្ចេកវិទ្យា ១០ចំណុច ក្នុងការអនុវត្តគម្រោងវាយ​តម្លៃតម្រូវ​ការបច្ចេកវិទ្យាមេត្រីបរិស្ថាន (TNA) ដើម្បីគាំទ្រដល់ការអនុវត្តបច្ចេកវិទ្យាមេត្រីភាពបរិស្ថាន សម្រាប់តំបន់សេដ្ឋកិច្ច​ពិសេស​នៅខេត្តព្រះសីហនុ។

នេះបើតាមសិក្ខាសិក្ខាសាលា ស្តីពីការផ្តល់សុពលភាពលើផែនការសកម្មភាពបច្ចេកវិទ្យានៃគម្រោង TNA កាលពី​ថ្ងៃ​​ទី១៥ ខែកក្កដា ឆ្នាំ២០២២។

សិក្ខាសាលានេះ បានសម្រេចផ្តល់សុពលភាពលើផែនការសកម្មភាពបច្ចេកវិទ្យាទាំង ១០ រួមមាន៖

១) ​ការប្រើប្រាស់​អំពូល​​ភ្លើងសន្សំសំចៃអគ្គិសនី (LED)
២) ការកែលម្អការគ្រប់គ្រងអគ្គិសនីតាមប្រព័ន្ធ ISO50001
៣) ការប្រើប្រាស់​សូឡា​ PV នៅលើដំបូលអគារ
៤) ការដុតជីវម៉ាសដើម្បីបង្កើតកម្តៅ
៥) ការបំប្លែងសំណល់ប្លាស្ទិកទៅជាឥន្ធនៈ
៦) ការ​ធ្វើ​​ជីកំប៉ុស្ត
៧) ការប្រើប្រាស់ឡើងវិញនូវទឹកកខ្វក់ដែលបានឆ្លងកាត់អាងប្រព្រឹត្តកម្មគីមី
៨) ការបំពាក់នាឡិកា​ទឹក និងបរិក្ខារលាងសម្អាតដែលសន្សំសំចៃទឹក
៩) ការត្រងទឹកភ្លៀងពីដំបូលអគារ និង
១០) ផែនការគ្រប់គ្រង​គ្រោះ​​មហន្តរាយ។

គម្រោង TNA បានទទួល​​ការគ្រាំអនុវត្ត ​និងបច្ចេកទេស​ដោយមូលនិធិអាកាស​ធាតុបៃតង ​(GCF) ​និងក្រុមហ៊ុន​ទីប្រឹក្សា​ (Climate Smart Initiative)។

បើតាម ឯកឧត្តម វ៉ាន់ មុនីនាថ អគ្គនាយកនៃអគ្គនាយកដ្ឋានគោលនយោបាយ និងយុទ្ធសាស្រ្ត នៃក្រសួងបរិស្ថាន បានឱ្យដឹងថា « គម្រោង TNA នេះនឹងផ្តល់ឱកាសដ៏ល្អសម្រាប់ប្រទេសកម្ពុជា ក្នុងការកៀរគរថវិកាស​ម្រាប់អនុវត្ត​សកម្ម​ភាព​ឆ្លើយតបនឹងការប្រែប្រួលអាកាសធាតុ ព្រមទាំងរួមចំណែកដល់​ការអភិវឌ្ឍខេត្តព្រះសីហនុ​ប្រកបដោយ​ចីរភាព និងប្រែក្លាយខេត្តព្រះសីហនុជាតំបន់សេដ្ឋកិច្ចគំរូពហុបំណងមេត្រីបរិស្ថាន។»

• ថាមពល និងបរិស្ថាន
• គោលនយោបាយ និងផែនការយុទ្ធសាស្រ្ត
• Energy and Environment
• Policy and Strategy
• ថាមពល និងបរិស្ថាន