គិតត្រឹមដើមឆ្នាំ ២០២៣ ក្រុមហ៊ុនចុះបញ្ជីតាមថ្នាលបច្ចេកវិទ្យាមានជាង ២ម៉ឺនក្រុមហ៊ុន

• 10 ខែ​មករា 2023
• ព័ត៌មានក្នុងស្រុក
• 7 មើល

គិតត្រឹមថ្ងៃទី៩ ខែមករា ឆ្នាំ២០២៣ ក្រុមហ៊ុនដែលបានចុះបញ្ជីអាជីវកម្មតាមប្រព័ន្ធថ្នាលបច្ចេកវិទ្យាព័ត៌មានដំណាក់កាលទី១ មានចំនួន ២០៨០៩ក្រុមហ៊ុន ដែលមានដើមទុនចុះបញ្ជីសរុបចំនួន ៥.៨៣ ប៊ីលានដុល្លារអាមេរិក។ នេះបើតាមការប្រកាសឱ្យដឹងពីក្រសួងសេដ្ឋកិច្ច និងហិរញ្ញវត្ថុ នៅថ្ងៃទី០៩ ខែមករា ឆ្នាំ២០២៣។

ដោយឡែក ចំនួននាមករណ៍បម្រុងទុកមានចំនួន ១៣០៦៨ ក្រុមហ៊ុន។

ក្នុងនោះផងដែរ សកម្មភាពអាជីវកម្មទាំង៥ ដែលមានទុនចុះបញ្ជីធំជាងគេរួមមាន៖

• ការសាងសង់អគារ មានទុនចុះបញ្ជីចំនួន ៩៧៧ លានដុល្លារអាមេរិក ស្មើនឹង ១៧%
• សកម្មភាពអចលនទ្រព្យ ដោយប្រើអចលនទ្រព្យផ្ទាល់ខ្លួន ឬជួលពីគេ មានទុនចុះបញ្ជីចំនួន ៧២២លានដុល្លារអាមេរិក ស្មើនឹង ១២%
• សកម្មភាពពិគ្រោះយោបល់ផ្នែកគ្រប់គ្រង មានទុនចុះបញ្ជីចំនួន ២៩៧លានដុល្លារអាមេរិក ស្មើនឹង ៥%
• កម្មន្តសាលសម្លៀកបំពាក់ លើកលែងសម្លៀកបំពាក់ធ្វើពីរោមសត្វ មានទុនចុះបញ្ជីចំនួន ២៨២លានដុល្លារអាមេរិក ស្មើនឹង ៥%
• ការលក់ដុំឯកទេសផ្សេងៗ មានទុនចុះបញ្ជីចំនួន ២៦០លានដុល្លារអាមេរិក ស្មើនឹង ៤%
• និងផ្សេងៗទៀត មានទុនចុះបញ្ជីចំនួន ៣.២៩ ប៊ីលានដុល្លារអាមេរិក ស្មើនឹង ៥៦%។

 

• Investment and Funding