សមាគមពាណិជ្ជកម្មអន្តរជាតិកម្ពុជា ដាក់ចេញគម្រោង៥ ដើម្បីជួយអភិវឌ្ឍខេត្តសៀមរាប

• 30 ខែ​មិថុនា 2023
• ព័ត៌មានក្នុងស្រុក
• 10 មើល

សមាគមពាណិជ្ជកម្មអន្តរជាតិកម្ពុជា (CICC)​ មានគម្រោងចំនួន​៥​ សម្រាប់ចូលរួមអភិវឌ្ឍខេត្ត​ និងផ្តល់ការងារជូនប្រជាពលរដ្ឋក្នុងខេត្តសៀមរាប។ នេះបើតាមជំនួបរវាងឯកឧត្តម​ ទៀ​ សីហា​ អភិបាល​ នៃគណៈអភិបាលខេត្ត និងអនុញ្ញាតឱ្យលោក  Johnny Mo នាយកសមាគមពាណិជ្ជកម្មអន្តរជាតិកម្ពុជា (CICC) កាលពីថ្ងៃទី២២ ខែមិថុនា ឆ្នាំ២០២៣។

លោក Johnny Mo នាយកសមាគមពាណិជ្ជកម្មអន្តរជាតិកម្ពុជា (CICC) បានថ្លែងឱ្យដឹងថា សមាគមមានគម្រោង ចំនួន​៥​ ដើម្បីចូលរួមចំណែកក្នុងការអភិវឌ្ឍខេត្តសៀមរាបកាន់តែប្រសើរបន្ថែមទៀត​ ពិសេសជួយដល់ប្រជាព​ល​រដ្ឋ​ឱ្យមានការងារធ្វើផងដែរ។

គម្រោងទាំង ៥នោះរួមមាន៖

១. គម្រោងសេវាកម្មដឹកជញ្ជូនអគ្គិសនី

២.គម្រោងមជ្ឈមណ្ឌលវប្បធម៌ព្រះពុទ្ធសាសនា

៣. គម្រោងមជ្ឈមណ្ឌលផលិតកម្មភាពយន្ត និងតន្ត្រីរបស់កម្ពុជា

៤. គម្រោងគ្រប់គ្រងសណ្ឋាគារ និងអចលនទ្រព្យ

៥. គម្រោងផ្ទះចូលនិវត្តន៍។

ក្រោមកិច្ចសហប្រតិបត្តិការជាមួយសមាគមពាណិជ្ជកម្មអន្តរជាតិកម្ពុជា (CICC)  គម្រោងទាំង ៥ ខាងលើនេះ នឹងជួយអភិវឌ្ឍខេត្តសៀមរាប​ ពិសេសគឺការផ្តល់ការងារជូនដល់ប្រជាពលរដ្ឋថែមទៀតផង។

រូបភាពដោយ KNN

• Investment and Funding
• Cooperation and networking