ខេត្តសៀមរាប និង JICA ចុះហត្ថលេខាពន្លឿនការងារ៤ធំៗក្នុងគម្រោងទីក្រុងឆ្លាតវៃ

• ៨ ធ្នូ ២០២១

រដ្ឋបាលខេត្តសៀមរាប និងទីភ្នាក់ងារសហប្រតិបត្តិការអន្តរជាតិជប៉ុន (JICA) នៅកម្ពុជា កាលពីថ្ងៃទី ៨ ខែ ធ្នូ នេះ បានជួបពិភាក្សាគ្នាលើសេចក្តីព្រាងផែនការមេនៃគម្រោងទីក្រុងឆ្លាតវៃនៅក្រុងសៀមរាប ទិសដៅពន្លឿនការអនុវត្ត។ ការពិភាក្សានេះ ផ្តោតសំខាន់លើការងារបច្ចេកទេស ដោយដឹកនាំដោយឯកឧត្តម ទៀ សីហា អភិបាលខេត្តសៀមរាប និងលោកស្រី Kamei Haruko ប្រធានទីភ្នាក់ងារ JICA ប្រចាំប្រទេសកម្ពុជា។ ក្នុងកិច្ចពិភាក្សា ភាគីទាំង ២ បានចុះហត្ថលេខាលើកំណត់ត្រា ដោយនឹងផ្ដោតការងារ ៤ ផ្នែក សំខាន់ៗ រួមមាន ការរៀបចំទេសចរណ៍ឆ្លាតវៃ (Smart Tourism) ការរៀបចំប្រព័ន្ធសន្តិសុខឆ្លាតវៃ (Smart Security) ការរៀបចំប្រព័ន្ធចល័តឆ្លាតវៃ (Smart Mobility) និងការរៀបចំប្រព័ន្ធគ្រប់គ្រងកាកសំណល់ឆ្លាតវៃ (Smart Waste Management)។ គួរបញ្ជាក់ថា រដ្ឋបាលខេត្តធ្លាប់ស្នើឱ្យ JICA ជួយសិក្សាតាំងពីឆ្នាំ ២០១៩ មកម្ល៉េះ។ ហើយឆ្នាំ ២០២០ កន្លងទៅ JICA […]