ការងារចាប់ផ្តើមលើអគារកប់ពពកខ្ពស់ជាងគេក្នុងពិភពលោក

• 1 ខែ​កុម្ភៈ 2017
• Uncategorized
• 5 មើល

ការងារបានចាប់ផ្តើមនៅលើអ្វីដែលនឹងក្លាយជាអគារខ្ពស់បំផុតនៅក្នុងពិភពលោកនៅក្នុងទីក្រុងឌូបៃ។

“ប៉ម” ដែលបានរចនាឡើងដោយស្ថាបត្យករកាត់ អេស្ប៉ាញ និងស្វ៊ីស លោក Santiago Calatrava នឹងខ្ពស់ជាងអាគារដែលជាប់កំណត់ត្រាបច្ចុប្បន្ន Burj Khalifa ដែលស្ថិតនៅក្នុងទីក្រុងឌូបៃដូចគ្នា និងជាផ្នែកមួយនៃការអភិវឌ្ឍឡើងវិញនៃទីក្រុងចាស់។

“ប៉ម ‘ត្រូវបានគេរំពឹងថានឹងលូតខ្ពស់ ៣០៤៥ហ្វីត នៅពេលដែលវាត្រូវបានសាងសង់ រួចរាល់ ក្នុងឆ្នាំ ២០២០ ខាងមុខនេះ និងត្រូវចំណាយអស់ប្រមាណជា ១ ពាន់លានដុល្លារ អាមេរិច នេះបើយោងតាម inhabitat ។

ស្ថាបត្យករ Calatrava បាននិយាយថា “គម្រោងនេះ គឺជាសមិទ្ធផលសិល្បៈ ដែលបានបំផុសគំនិតដោយគោលដៅនៃការធ្វើឲ្យកន្លែងនេះ ជាចំណុចប្រជុំមួយសម្រាប់ប្រជាពលរដ្ឋដែលមកពីទីក្រុងឌូបៃ និងតំបន់អារ៉ាប់រួម ព្រមទាំងពលរដ្ឋនៅទូទាំងពិភពលោក។ វាគឺជានិមិត្តរូបនៃជំនឿក្នុងវឌ្ឍនភាព»។