ក្នុងត្រីមាសទី១ ២០២៥ កម្ពុជា ប្រមូលពន្ធបាន $១,២៥ពាន់លាន, ក្នុងនោះពន្ធប្រថាប់ត្រារួមចំណែកជិត ៣%

• 12 ខែ​ឧសភា 2025
• ព័ត៌មានអចលនទ្រព្យ
• 7 មើល

អគ្គនាយកដ្ឋានពន្ធដារកម្ពុជា ប្រមូលចំណូលពន្ធបានចំនួន  ៥០៨២ ប៊ីលានរៀល ឬប្រមាណជា ១២៥៣ លានដុល្លារ ក្នុងរយៈពេលបីខែដំបូងនៃឆ្នាំ២០២៥ ស្មើនឹង ៣០,៨៨% ​​នៃផែនការដែលបានកំណត់ដោយច្បាប់ស្តីពីហិរញ្ញវត្ថុសម្រាប់ការគ្រេប់គ្រងឆ្នាំ២០២៥។​

ក្នុងរបាយការណ៍ចេញផ្សាយនៅថ្ងៃទី៨ ខែឧសភា អគ្គនាយកដ្ឋានពន្ធដារ បានបង្ហាញថា ក្នុងនោះ ពន្ធលើប្រាក់ចំណូល រួមចំណែកច្រើនជាងគេ គឺប្រមាណ ៤៦,៤% ​​នៃចំណូលពន្ធសរុប តាមពីក្រោយដោយចំណូលពន្ធលើអាករលើតម្លៃបន្ថែម និង ពន្ធកាត់ទុក ដែលបានរួមចំណែក ១៧,៩៥% ​​និង១៧% ​​រៀងគ្នា។​

ដោយឡែក ចំណូលពន្ធប្រថាប់ត្រា (ផ្ទេរសិទ្ធិកាន់កាប់អចលនទ្រព្យ) បានរួមចំណែក ២,៨៧% ​​ឬស្មើនឹងចំនួន ១៤៤ បីលានរៀល ផងដែរ។​

ជាការកត់សម្គាល់ ចំណូលពន្ធតាមសកម្មភាពអាជីវកម្មសំខាន់ៗ ក្នុងរយៈពេលបីខែដើមឆ្នាំ២០២៥នេះ ឃើញថា ចំណូលពន្ធពីសកម្មភាពកម្មន្តសាល សកម្មភាពសេវាហិរញ្ញវត្ថុនិងធានារ៉ាប់រង និងអាហរ័ណ-នីហរ័ណ គឺជាចំណូលពន្ធចម្បង ​និងលេចធ្លោជាងគេ។​

យ៉ាងក៏ដោយ ក្នុងរបាយការណ៍ដដែលបានបង្ហាទៀតថា ចំណូលពន្ធពីសកម្មភាពអចលនវ​ត្ថុ និងការសាងសង់ មានចំនួន ១៩៦ប៊ីលានរៀល និង ២០៥ប៊ីលានរៀល រៀងគ្នា។​

លទ្ធផលការងារនៅក្នុងត្រីមាសនេះ បានគូសបញ្ជាក់អំពីភាពធន់នៃសេដ្ឋកិច្ចកម្ពុជា និងការងើបឡើងវិញជាបន្តបន្ទាប់ ដែលត្រូវបានជំរុញដោយកិច្ចខិតខំប្រឹងប្រែងរបស់អគ្គនាយកដ្ឋានពន្ធក្នុងការប្រមូលពន្ធដ៏បានយ៉ាងល្អប្រសើរនៅក្នុងឧស្សាហកម្មសំខាន់ៗ។ នៅពេលដែលភាពរីកចម្រើននេះនៅតែបន្ត ការបន្តតាមដាននិន្នាការទាំងនេះនឹងមានសារៈសំខាន់សម្រាប់ការធានាសុខភាពសារពើពន្ធប្រកបដោយនិរន្តរភាព។

• Economic and finance
• Funds