ក្រុមហ៊ុន Singha និងក្រុមហ៊ុន Hong Kong Land ចុះកិច្ចព្រមព្រៀងបណ្តាក់ទុនរួមគ្នា

• 15 ខែ​មករា 2018
• ព័ត៌មានសំណង់
• 4 មើល

ក្រុមហ៊ុន Singha និងក្រុមហ៊ុន Hong Kong Land ចុះកិច្ចព្រមព្រៀងអភិវឌ្ឍន៍គម្រោងខុនដូប្រណិតនៅក្នុងសង្កាត់ពាណិជ្ជកម្មកណ្តាលទីក្រុងបាងកក។

ក្រុមហ៊ុន Singha Estate ជាក្រុមហ៊ុនអភិវឌ្ឍន៍អចលនទ្រព្យដែលជាផ្នែកមួយនៃក្រុមហ៊ុន Boon Rawd Brewery ដែលផលិតស្រាបៀរដ៏ល្បី។ គម្រោងដែលមានទឹកប្រាក់ចំនួន ៦១.៣លានដុល្លារនេះគឺជាលើកទីពីរហើយដែលក្រុមហ៊ុនទាំងពីរបានរួមគ្នាបង្កើតជាក្រុមហ៊ុនបណ្តាក់ទុនរួមគ្នាក្នុងវិស័យអចលនទ្រព្យ។

គម្រោងដំបូងគឺ The Esse Sukhumvit 36 ដែលជាគម្រោងខុនដូកម្ពស់ខ្ពស់មានតម្លៃ ១៩៩លានដុល្លារ និងដែលត្រូវបានបើកដំណើរការនៅខែវិច្ឆិកា ឆ្នាំ២០១៧។ ការវិនិយោគរួមគ្នានេះសង្ឃឹមថានឹងទទួលបានប្រាក់ ៩២លានដុល្លារនៅក្នុងការលក់បឋមនៅចុងឆ្នាំ។

ក្រុមហ៊ុន Singha Estates រក្សាផលប័ត្រអចលនទ្រព្យចម្រុះដែលក្នុងនោះ ប្រហែល ៦០ភាគរយនៃប្រាក់ចំណូលចរន្តរបស់ក្រុមហ៊ុនរកបានមកពីគម្រោងអភិវឌ្ឍន៍លំនៅឋាន ២៥ភាគរយមកពីសណ្ឋាគារ និង១៥ភាគរយទៀតមកពីអចលនទ្រព្យពាណិជ្ជកម្មរួមមានការិយាល័យនិងហាងលក់រាយ​។