គម្រោងសង់ទីលានចាក់សំរាមនៅស្ទឹងត្រែងតម្លៃជិត ៥លានដុល្លារ សម្រេចបាន ៤០%

• 16 ខែ​កុម្ភៈ 2023
• Uncategorized
• 4 មើល

ទីលានចាក់សំរាមថ្មីតម្លៃជិត ៥លានដុល្លារ នៅក្នុងខេត្តស្ទឹងត្រែង សម្រេចការសាងសង់បាន ៤០% ហើយ​។ នេះបើតាមដំណើរចុះពិនិត្យទីតាំងការដ្ឋានសាងសង់របស់ ឯកឧត្តម ស្វាយ សំអ៊ាង អភិបាលខេត្តស្ទឺងត្រែង កាលពីថ្ងៃទី១៤ ខែកុម្ភៈ ឆ្នាំ២០២៣។

គម្រោងនេះ កំពុងសាងសង់នៅភូមិអូរត្រែល ឃុំថាឡា ស្រុកថាឡាបរិវ៉ាត់  ខេត្តស្ទឹងត្រែង ដែលបានចាប់បើកការ​ដ្ឋាន នៅថ្ងៃទី០៨មេសាឆ្នាំ២០២២  និងគ្រោងបញ្ចប់ចុងឆ្នាំ២០២៣ខាងមុខនេះ។

ទីលានចាក់សំរាមថ្មីនេះ កំពុងសាងសង់លើផ្ទៃដីជាង ២០ហិកតា ដែលជាទីតាំងផ្ទុកសំរាមដ៏ធំមួយ មានទំហំជាង ១ម៉ឺន ៥ពាន់​ម៉ែត្រការ៉េ  និងអាងប្រព្រឹត្តិកម្ម ចំនួន៤  រួមនឹងហេដ្ឋារចនាសម្ព័ន្ធពាក់ព័ន្ធផ្សេងៗជាច្រើនទៀត។