គម្រោងសង់ស្ពានអាកាសមរតកតេជោ «ជំហានទី២» នឹងបញ្ចប់មុនផែនការ នៅខែកុម្ភៈ ឆ្នាំ២០២៥

• 31 ខែ​តុលា 2024
• Uncategorized
• 5 មើល

គម្រោងសាងសង់ស្ពានអាកាស «មរតកតេជោ» ជំហានទី២ គ្រោងនឹងបញ្ចប់អំឡុងខែកុម្ភ:​ ឆ្នាំ២០២៥​ ខណៈជំហា​ន​ទី១​ ត្រូវបានសម្ពោធដាក់ឱ្យប្រើប្រាស់ជាបណ្តោះអាសន្នកាលពីថ្ងៃទី០១ ខែមេសា ឆ្នាំ២០២៤ រួចរាល់ហើយ។ នេះបើយោងតាមផេកហ្វេកប៊ុកផ្លូវការរបស់លោក កើត ឆែ អភិ​បាលរងរាជធានីភ្នំពេញ ចេញផ្សាយនៅថ្ងៃទី២៩ ខែតុលា ឆ្នាំ២០២៤។​

បើតាមលោក ទូច សំណាង អគ្គនាយករងក្រុមហ៊ុន OCIC បានបញ្ជាក់ជាមួយប្រភពខាងលើថា ការសាងសង់ស្ពានអាកាសមរតកតេជោ«ជំហានទី២» ក្រុមហ៊ុនគ្រោងនឹងបញ្ចប់មុនផែនការកំណត់ គឺនៅក្នុងអំឡុងខែកុម្ភ:​ ឆ្នាំ២០២៥​ ខាងមុខនេះ។

គួរបញ្ជាក់ថា កាលពីថ្ងៃទី០១ ខែមេសា ឆ្នាំ២០២៤ សម្តេចមហាបវរធិបតីហ៊ុន ម៉ាណែត នាយករដ្ឋមន្ត្រី បានប្រកាសដាក់ប្រើប្រាស់ជាបណ្តោះអាសន្ន ស្ពានអាកាស មរតកតេជោ ជាន់ទី២ ដំណាក់កាលទី១ ដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ និងដោះស្រាយការកកស្ទះចរាចរបានមួយកម្រិត។ (អានបន្ថែម)

គួររំលឹកទៀតថា គម្រោងស្ពានអាកាសមហាវិថីព្រះមុនីវង្សនេះ ត្រូវបានតភ្ជាប់មុខគ្នាជាផ្លូវការនៅថ្ងៃទី២៩ ខែមករា ឆ្នាំ២០២៤  និងបានបើកការដ្ឋានសាងសង់នៅថ្ងៃទី ៣១ ខែសីហា ឆ្នាំ ២០២២ និងសាងសង់ដោយក្រុមហ៊ុនវិនិយោគទុនអាណិកជនកម្ពុជា OCIC ប្រើប្រាស់រយៈពេលសាងសង់ ៣៦ខែ។ (អានបន្ថែម)