តើនិន្នាការបច្ចេកវិទ្យាថ្មីៗអ្វីខ្លះដែលបង្ហាញក្នុងកម្មវិធី Bentley Civil User 2025?

3 ខែធ្នូ 2025
ព័ត៌មានអន្តរជាតិ
9 មើល

បន្ទាប់ពីការផ្អាករយៈពេលប្រាំពីរឆ្នាំ សន្និសីទ Bentley Civil User Conference ឆ្នាំ 2025 បានវិលត្រឡប់មកវិញ ដោយមានការចូលរួមពីអ្នកប្រើប្រាស់ អ្នកជំនាញ និងថ្នាក់ដឹកនាំឧស្សាហកម្ម Bentley ជាង 500 នាក់។

កម្មវិធីផ្ដោតលើការពិភាក្សា និងចែករំលែកចំណេះដឹងទាក់ទងនឹងវិធីដោះស្រាយបញ្ហាប្រឈមក្នុងវិស័យដែលកំពុងបន្តកើតមានដូចជាកង្វះកម្លាំងពលកម្ម និងហេដ្ឋារចនាសម្ព័ន្ធចាស់ទ្រុឌទ្រោមជាដើម។

ប្រធានបទស្នូលនៃសន្និសីទឆ្នាំ 2025 នេះគឺតើកម្មវិធីឌីជីថល Open Data និងបញ្ញាសិប្បនិម្មិត (AI) ជួយដល់វិស្វកម្មសំណង់ស៊ីវិលដូចម្ដេច។

លោក Kyle Rosenmeyer ប្រធានផ្នែក Design នៃក្រុមហ៊ុន VHB លោក Scott McMaster អ្នកគ្រប់គ្រង BIM សម្រាប់ការដឹកជញ្ជូនឌីជីថល ក្រុមហ៊ុន PennDOT; និង លោក Kevin O’Connor អនុប្រធានផ្នែកដឹកជញ្ជូនឌីជីថល ក្រុមហ៊ុន Parsons; លោក Ian Rosam នាយកគ្រប់គ្រងផលិតផល ក្រុមហ៊ុន Bentley; លោក Bibhuti Aryal នាយកផ្នែកដំណោះស្រាយឧស្សាហកម្ម ក្រុមហ៊ុន Bentley

លើសពីនេះ សន្និសីទក៏បានបង្ហាញពីពីនិន្នាការបច្ចេកវិទ្យាសំខាន់ៗចំនួន ៣ ចំណុចផងដែរ។

ជាដំបូង សន្និសីទពិភាក្សាអំពីរបៀបដែលគំរូភ្លោះឌីជីថលជួយបង្កើនប្រសិទ្ធភាពគម្រោង។កម្មវិធីដូច iTwin និង Bentley Infrastructure Cloud កំពុងជួយឱ្យវិស្វករក្នុងការបំប្លែងទិន្នន័យស្មុគស្មាញទៅការងារដែលអាចអនុវត្ត និងដោះស្រាយបាន។ ឧទាហរណ៍ ការប្រើកម្មវិធីទាំងនេះ ដើម្បីរចនា និងបង្កើតសេណារីយ៉ូដូចពិតនៃការដ្ឋាន មុននឹងសាងសង់ជាក់ស្ដែង ដើម្បីស្វែករកហានិភ័យជាដើម។ កម្មវិធីទាំងនេះ បានជួយសន្សំសំចៃថវិកា និងពេលវេលាវិស្វករជាច្រើន។

ចំណុចសំខាន់មួយទៀតគឺ Open Data ការរួមបញ្ចូល Geospatial 3D Tiles និង Google Maps ទៅក្នុងកម្មវិធី MicroStation 2025។ ការរួមបញ្ចូលនេះជួយឱ្យវិស្វករមានបរិបទភូមិសាស្ត្រ 2D និង 3D ក្នុងដៃ ដើម្បីបង្ហាញប្លង់គម្រោង។ នេះមានន័យថា ប្លង់គឺត្រូវបង្ហាញនៅលើទីតាំងផ្ទាល់ដូចពិត។

ជាចុងក្រោយ និន្នាការសំខាន់មួយទៀតគឺលំហូរការងារដែលគាំទ្រដោយ AI។ Bentley កំពុងប្រើ AI ធ្វើជាលេខាដើម្បីពន្លឿនការងារវិស្វកម្ម មិនមែនជំនួសការងារវិស្វករនោះទេ។ ដំណោះស្រាយដូចជា OpenSite+ បាន AI ច្នៃប្រឌិតសម្រាប់ហេដ្ឋារចនាសម្ព័ន្ធ ក្នុងការជួយជំរុញប្រសិទ្ធភាពទាក់ទងនឹងដោះស្រាយបញ្ហា។ កត្តានេះបានជួយដោះស្រាយបញ្ហាកង្វះខាតបុគ្គលិកបានយ៉ាងច្រើន។

សារពីសន្និសីទឆ្នាំ 2025 គឺច្បាស់លាស់ ពោលគឺ អនាគតនៃហេដ្ឋារចនាសម្ព័ន្ធពឹងផ្អែកលើការផ្លាស់ប្តូរឌីជីថល។ ឧបករណ៍ទាំងនេះជួយឱ្យប្រព័ន្ធអេកូឡូស៊ីនៃសំណង់មានប្រសិទ្ធភាពជាងមុន។