ថៃនៅតែខ្លាំងខណៈមានការធ្លាក់ចុះការវិនិយោគលើសណ្ឋាគារនៅតំបន់អាស៊ីប៉ាស៊ីហ្វិក

• 15 ខែ​មករា 2018
• ព័ត៌មានសំណង់
• 4 មើល

រវិនិយោគក្នុងទីផ្សារអចលនទ្រព្យសណ្ឋាគារនៅអាស៊ីប៉ាស៊ីហ្វិកបានធ្លាក់ចុះ ២២ភាគរយក្នុងរយៈពេល ៩ខែដំបូងនៃឆ្នាំ២០១៧ បើធៀបទៅនឹងរយៈពេលដូចគ្នាកាលពីឆ្នាំមុន នេះបើយោងតាមរបាយការណ៍របស់ក្រុមហ៊ុនប្រឹក្សាអចលនទ្រព្យ JLL ។

ក្រុមហ៊ុនប្រឹក្សាអចលនទ្រព្យនេះបានកត់សម្គាល់ថា ការធ្លាក់ចុះដល់ ៥.៣ប៊ីលានដុល្លារនៅក្នុងការវិនិយោគនេះភាគច្រើនគឺដោយសារតែការខ្វះខាតអចលនទ្រព្យសម្រាប់ដាក់លក់ និងគម្លាតយ៉ាងខ្លាំងក្នុងការកំណត់តម្លៃរវាងអ្នកទិញនិងអ្នកលក់។

ក្រុមហ៊ុន JLL បានចាត់ទុកទីក្រុងហុងកុង ប្រទេសជប៉ុន និងប្រទេសថៃ ជាចលករទីផ្សារដ៏សំខាន់ ដែលក្នុងនោះប្រទេសជប៉ុនកំពុងតែមានកំណើនការវិនិយោគដោយសារតែព្រឹត្តិការណ៍កីឡាអូឡាំពិកឆ្នាំ២០២០ក្នុងទីក្រុងតូក្យូនាពេលខាងមុខ។ យ៉ាងណាក៏ដោយ ឧស្សាហកម្មបដិសណ្ឋារកិច្ចរបស់ថៃនៅតែបន្តកើនឡើងជាមួយនិងទឹកប្រាក់ ៣៣៥លានដុល្លារនៅក្នុងប្រតិបត្តិការសណ្ឋាគារតិចជាង១០ក្នុងរយៈពេល៩ខែដំបូង និងការកើនឡើងការវិនិយោគពីខាងក្រៅដោយសារតែបរិស្ថាននយោបាយដែលមានស្ថេរភាព។

របាយការណ៍នេះបានរំពឹងថាប្រាក់ចំណូលសរុបក្នុងឆ្នាំនេះនឹងឈានដល់ចន្លោះពី ៧.៥ប៊ីលានដុល្លារ ទៅ ៨ប៊ីលានដុល្លារ ធ្លាក់ចុះធៀបនឹងឆ្នាំមុនដែលមានចំនួន ៨.៦ប៊ីលានដុល្លារ។