បារាំងព្រមព្រៀងជួយកម្ពុជាអភិវឌ្ឍភ្នំពេញទៅជាទីក្រុងទំនើប

• 7 ខែ​វិច្ឆិកា 2018
• Uncategorized
• 5 មើល

សាធារណរដ្ឋបារាំងបានព្រមព្រៀងជួយកម្ពុជាអភិវឌ្ឍភ្នំពេញទៅជាទីក្រុងទំនើប នេះបើយោងតាមការចុះផ្សាយតាមទំព័រហ្វ៊េសប៊ុករបស់រដ្ឋបាលរាជធានីភ្នំពេញ។

តាមការបញ្ជាក់របស់រដ្ឋបាលរាជធានីភ្នំពេញកាលពីថ្ងៃទី ០៥ ខែ វិច្ឆិកា ឆ្នាំ ២០១៨មន្រ្តីជាន់ខ្ពស់របស់ទីក្រុងប៉ារីសប្រទេសបារាំងបានឯកភាពជួយកម្ពុជាលើគម្រោងអភិវឌ្ឍន៍នានានៅទីក្រុងភ្នំពេញតាមការស្នើសុំរបស់ប្រទេសកម្ពុជា។

ប្រភពដដែលបានឲ្យដឹងថា ក្នុងជំនួបរវាងឯកឧត្ដម ឃួង ស្រេង អភិបាលនៃ គណៈអភិបាលរាជធានីភ្នំពេញនិងលោកជំទាវ Anne HIDALGO អភិបាលក្រុងប៉ារីសនិងជាប្រធានសមាគមអន្ដរជាតិអភិបាលក្រុងប្រើប្រាស់ភាសាបារាំង (AIMF) ភាគីកម្ពុជានិងបារាំងបានព្រមព្រៀងទៅលើកិច្ចសហការក្នុងការអភិវឌ្ឍន៍ទីក្រុងភ្នំពេញឲ្យក្លាយជាទីក្រុងបៃតងទំនើបទាន់សម័យប្រកបដោយបរិស្ថានល្អ។

បន្ថែមជាងនេះទៅទៀត រដ្ឋបាលបារាំងក៏បានយល់ព្រមជួយដល់រាជធានីភ្នំពេញតាមរយៈការបញ្ជូនអ្នកជំនាញការមកផ្តល់យោបល់លើការសិក្សារៀបចំផ្លូវឯកទិសផងដែរ។

• គម្រោងអភិវឌ្ឍន៍