ស្ពានឆ្ពោះសម្រាប់អនាគត៖ របៀបដែលឌីជីថលភ្លោះជួយស្តារបន្ទាប់គ្រោះមហន្តរាយទឹកជំនននៅរដ្ឋ Kentucky
ដោយ ថូម៉ាស ខេលណឺ
នៅខែកក្កដា ឆ្នាំ 2022 លោក បេន ស៊ីណាបេរី បានមើលព័ត៌មានជាមួយក្តីបារម្មណ៍ជាខ្លាំង ខណៈដែលទឹកជំនន់មានភ្លៀងធ្លាក់រហូតដល់ 16 អ៊ីង នៅក្នុងតំបន់មួយចំនួន ដែលវាបានជនលិចនៅភាគខាងកើតរដ្ឋ Kentucky និងជាទឹកជំនន់ដែលបង្កមហន្តរាយខ្លាំង។ ជ្រលងភ្នំដ៏តូចចង្អៀត ជាមួយល្បឿនទឹក និងការកើនឡើងយ៉ាងឆាប់រហ័សនៃទឹកទន្លេ និងហូរកាត់ជ្រលងភ្នំ Appalachian ដ៏តូចចង្អៀត បានវាយបោកនាំយកផ្ទះសម្បែង ហែកផ្លូវថ្នល់ និងបំបាក់ស្ពានឆ្លងកាត់។
នៅពេលដែលចំនួនអ្នកស្លាប់កើនឡើងឈានដល់ជាង 40 នាក់ លោក ស៊ីណាបេរី ដឹងថាគាត់មានជំនាញដើម្បីធ្វើលើសពីការតាមដានព័ត៌មាន។ គាត់រស់នៅចម្ងាយត្រឹមតែពីរបីម៉ោងភាគខាងលិចនៃក្រុង Louisville រដ្ឋ Kentucky ដែលកំពុងរង់ការបំផ្លិចបំផ្លាញ ហើយគាត់ធ្វើការជាអ្នកសិក្សាវាស់ស្ទង់ស្ថានភាពដី ដែលអាជីពនេះបានក្លាយជាផ្នែកមួយនៃជីវិតរបស់គាត់តាំងពីគាត់នៅក្មេង ពេលគាត់នៅរដ្ឋ Michigan គាត់បានធ្វើដំណើរជាមួយឪពុករបស់គាត់ក្នុងរថយន្តភីកអាប់ Dodge ដើម្បីប្រមូលទិន្នន័យវាស់វែងផ្លូវ។ ពេលនោះម៉ាក់របស់ខ្ញុំបានរំឮកដោយសើចចំអក “គាត់ថា គាត់គ្រាន់តែចង់បញ្ជូនពួកយើងឱ្យចេញផុតពីផ្ទះ”។
អស់រយៈពេល 4 ឆ្នាំកន្លងមកនេះ ក្រុមហ៊ុន Qk4 ដែលជាក្រុមហ៊ុនវិស្វកម្មសំណង់ស៊ីវិលប្រចាំក្រុង Louisville បានចូលរួមក្នុងគម្រោង Bridging Kentucky ដែលជាកម្មវិធីរដ្ឋដើម្បីជួសជុល ឬជំនួសស្ពានចាស់ចំនួន 1,000 កន្លែង។ Qk4 បានដ្រូនភ្ជាប់ជាមួយបច្ចេកវិទ្យាឡាស៊ែរ និងកម្មវិធីឌីជីថលភ្លោះ ដើម្បីសិក្សាវាស់ស្ទង់ និងគូសផែនទីស្ពានក្នុងរដ្ឋរបស់គាត់។ នៅពេលដែលទឹកជំនន់បានវាយប្រហារនៅឆ្នាំ 2022 ឧបករណ៍ និងបទពិសោធន៍ទាំងនេះបានធ្វើឱ្យលោក ស៊ីណាបេរី ដែលជាប្រធានផ្នែក Surveyor និងក្រុមការងាររបស់គាត់អាចផ្លាស់ប្តូរការងារបានយ៉ាងលឿន និងប្រកបដោយជំនាញ។
ដោយមានការសម្របសម្រួលជាមួយក្រសួងដឹកជញ្ជូននៃរដ្ឋ Kentucky គាត់ និងសហការីបានចល័តការងារយ៉ាងលឿនក្នុងការបញ្ជូនក្រុម Survey ដើម្បីវាយតម្លៃការខូចខាតស្ពាន។ ជាទូទៅគាត់តែងតែក្លាយជាអ្នកឆ្លើយតបមុនគេ ទៅភ្នាក់ងាររដ្ឋាភិបាលក្នុងចំណោមអ្នកស្ម័គ្រចិត្ត និងក្រុមហ៊ុនផ្សេងទៀតដែលបានចូលរួមក្នុងកិច្ចខិតខំប្រឹងប្រែងជួយសង្គ្រោះ ដោយក្រុមការងារត្រូវស្វែងរកដានផ្លូវដើម្បីលាងជម្រះភក់ និងកំទេចកំទីដែលនៅរាយបាយពាសពេញទីក្រុង។ លោក ស៊ីណាបេរី និយាយថា “ផ្ទះ និងផ្លូវជាច្រើននៅក្នុងតំបន់ទាំងនោះត្រូវបានជនលិចដោយទឹកកម្ពស់ 20 ហ្វីត (ជាង6ម៉ែត្រ)” ។ “ស្ថានភាពធ្ងន់ធ្ងរណាស់ដែលប្រជាពលរដ្ឋត្រូវកាប់រំលំដើមឈើដើម្បីធ្វើស្ពានបណ្ដោះអាសន្នឆ្លងព្រែកទៅត្រើយម្ខាង”។
ក្រុមការងារ Survey របស់ Qk4 ដែលបំពាក់ដោយយន្តហោះដ្រូនជាមួយម៉ាស៊ីនស្គែនឡាស៊ែរ 3D និងឧបករណ៍ Survey បានប្រមូលទិន្នន័យរាប់លានចំណុចក្នុងមួយថ្ងៃ ហើយបញ្ចូលវាទៅក្នុងកម្មវិធីគំរូឌីជីថលដែលមានឈ្មោះថា ProjectWise ដែលបង្កើតឡើងដោយវិស្វករនៅ Bentley Systems និងជាអ្នកដឹកនាំផ្នែកឌីជីថលភ្លោះនៃគម្រោងហេដ្ឋារចនាសម្ព័ន្ធ។ សូហ្វវែរបានផលិតស្ពានចម្លងនិម្មិតយ៉ាងជាក់លាក់ និងភាពត្រឹមត្រូវនៃការតភ្ជាប់ដោយកន្លាស់ប៊ូឡុង ដោយបង្ហាញពីសារៈសំខាន់ក្នុងការបង្កើនល្បឿននៃកិច្ចខិតខំប្រឹងប្រែងស្តារឡើងវិញ។ លោក ស៊ីណាបេរី និយាយថា “យើងបានផ្ទុកទិន្នន័យទៅក្នុងកុំព្យូទ័រនៅពេលល្ងាច ហើយចាប់ផ្តើមឱ្យវាវិភាគទិន្នន័យ និងបង្កើតជាឌីជីថលភ្លោះ” ។ “វារួចរាល់សម្រាប់ពួកយើងក្នុងរយៈពេលត្រឹមពីរបីម៉ោងក្រោយប៉ុណ្ណោះ។”
កាលពីប៉ុន្មានឆ្នាំមុន ការសិក្សាស្ពានមួយត្រូវចំណាយពេលពីរទៅបីខែសម្រាប់ក្រុមរបស់លោក ស៊ីណាបេរី។ នេះជាការផ្តល់កិត្តិយសដល់គំនិតផ្តួចផ្តើម Bridging Kentucky សម្រាប់ការផ្លាស់ប្តូរយ៉ាងឆាប់រហ័ស។ វាបានអនុញ្ញាតឱ្យក្រុមរបស់គាត់ទទួលយក និងពង្រឹងជំនាញរបស់ពួកគេលើបច្ចេកវិទ្យា Bentley និងឧបករណ៍វាស់ស្ទង់កម្រិតខ្ពស់។
Bridging Kentucky highlights: បានសន្សំសំចៃលើសពី $3M និងកកាត់បន្ថយពេលវេលាវាស់ស្ទង់ 90% ជាមួយស្ពានជាង 550+ កន្លែង ដែលបានរៀបចំក្នុងកម្មវិធីថ្មី។
អ្នកទាំងអស់គ្នាបានប្រាប់ Qk4 ពីការប្រើកម្មវិធី Bentley ដើម្បីបង្កើតឌីជីថលភ្លោះដ៏ឆ្លាតវៃនៃស្ពានជាង 50 ដែលរងការខូចខាត ឬបំផ្លិចបំផ្លាញដោយទឹកជំនន់។ វិស្វករនៅក្រុមហ៊ុនវិស្វកម្មសកល Stantec និងក្រុមហ៊ុនផ្សេងទៀតក៏បានវិភាគគំរូឌីជីថលទាំងនេះដើម្បីវាយតម្លៃស្ថានភាពស្ពានយ៉ាងលម្អិតត្រឹមប៉ុន្មាននាទីដូចគ្នាដែរ ដោយអនុញ្ញាតឱ្យគេអាចចាប់ផ្តើមរៀបចំផែនការជួសជុលស្ពានដែលគ្រោងរក្សាទុក ឬសាងសង់ថ្មីជំនួសសម្រាប់ស្ពានដែលរងការបំផ្លិចបំផ្លាញធ្ងន់ធ្ងរ។ លោក ហ៊ីធឺ ឡឡឺ នាយកសាលានៅ Stantec បានរំលឹកថា “យើងមានមនុស្សមកពីគ្រប់ទិសទីសម្រាប់ទីតាំងដាច់ស្រយាលដើម្បីធ្វើការលើគម្រោងនេះបានគ្រប់ពេលវេលា” ។ “តាមទស្សនៈវិស្វកម្ម ការមានឌីជីថលភ្លោះនៅទីនោះ វាជាប្រភពព័ត៌មានច្បាស់លាស់ជួយដល់ការងារវិស្វកម្ម»។
នៅពេលខ្ញុំទៅដល់តំបន់នោះត្រឹមមួយសប្តាហ៍បន្ទាប់ពីទឹកជំនន់ លោក ឡឡឺ មានការភ្ញាក់ផ្អើលចំពោះទំហំនៃការខូចខាត។ គាត់និយាយថា “យើងបានព្យាយាមត្រៀមខ្លួនសម្រាប់គ្រប់ការងារចាំបាច់ទាំងអស់។ យើងខ្ចប់ចំណីអាហារ និងភេសជ្ជៈ ព្រោះយើងគិតថាហាង ឬស្ថានីយប្រេងនឹងមិនមានទេ»។ “តែយើងមិនបានត្រៀមខ្លួនសម្រាប់អ្វីដែលយើងកំពុងតែឃើញជាក់ស្តែងនោះទេ។ ពេលយើងចូលទៅជិតស្ពាន យើងអាចកត់សម្គាល់បានថា ស្ថានភាពនេះគឺជាគ្រោះមហន្តរាយធ្ងន់ធ្ងរគួរសម»។
នៅកន្លែងដាច់ស្រយាលមួយ ដែលពាក់កណ្តាលស្ពានត្រូវទឹកជន់លិច «មានបុរសម្នាក់ចុះទៅក្នុងគំនរបាក់បែក ព្យាយាមជីកកកាយ ជួសជុលបណ្តាញទឹករបស់គាត់ឡើងវិញ»។ «គាត់គឺបុរស់ម្នាក់ក្នុងចង្កោមគ្រួសារមួយ និង មានផ្ទះបី ឬបួន—ឪពុកចាស់របស់គាត់នៅទីនោះ រួមជាមួយក្មួយប្រុសមួយចំនួន»។
លោក ឡឡឺ គិតថា ក្រុមគ្រួសារមួយនេះបានធ្វើដំណើរឆ្លងកាត់កន្លែងដែលរងការបំផ្លិចបំផ្លាញខ្លាំងដើម្បីដឹកទំនិញទៅមក។ “ខ្ញុំគិតថា ជាការព្រួយបារម្ភខ្លាំង – មានអ្វីកើតឡើងប្រសិនបើត្រូវការរថយន្តសង្គ្រោះបន្ទាន់?”។
នៅពេលនោះ មានក្មេងស្រីតូចម្នាក់បានប្រាប់បុរសនោះថា វិស្វកររបស់នាងអាចសាងសង់ផ្លូវវាងបណ្តោះអាសន្នក្នុងរយៈពេលត្រឹមពីរសប្តាហ៍ប៉ុណ្ណោះ “គាត់បានលឺ និងសឹងមិនជឿ” ឡឡឺ បាននិយាយបន្ថែម។ “គាត់មិនជឿថាពួកគេនឹងមានផ្លូវចូលទៅផ្ទះរបស់ខ្លួនក្នុងពេលឆាប់ៗបាននោះទេ។ គាត់គិតយ៉ាងច្បាស់ថាវានឹងចាយពេលប្រាំមួយខែយ៉ាងតិច»។
យ៉ាងណាក៏ដោយការជួសជុលស្ពានបណ្តោះអាសន្នគ្រាន់តែជាជំហានដំបូងប៉ុណ្ណោះ។ រដ្ឋ Kentucky បានប្រើប្រាស់កិច្ចខិតខំប្រឹងប្រែងស្តារឡើងវិញ ដើម្បីសាងសង់ស្ពានរឹងមាំ ធន់នឹងគ្រោះមហន្តរាយធម្មជាតិទៅថ្ងៃមុខ។ លោក ស៊ីណាបឺរី បានលើកឡើងថា “យើងកំពុងសាងសង់ស្ពានឡើងវិញដែលនឹងអាយុកាល 75 ឆ្នាំ យើងអាចឆ្លងកាត់ត្រាក់ទ័រ និងឡានសាលា ហើយមានទំហំទទឹងគ្រប់គ្រាន់ ដើម្បីកុំឱ្យដើមឈើជាប់នៅទីនោះ ហើយស្ពាននឹងមិនរលំទៅវិញ”។
គ្រោះមហន្តរាយនៅរដ្ឋ Kentucky មិនមែនជារឿងប្លែកនោះទេ ព្រោះទឹកជំនន់ដ៏កំហុកនាពេលថ្មីៗនេះនៅ Asheville រដ្ឋ North Carolina និង Valencia ប្រទេសអេស្ប៉ាញអាចបញ្ជាក់បានយ៉ាងច្បាស់អំពីការប្រែប្រួល។
- Video Advertisement -
English 
ខ្មែរ 
