អាផាតមិននៅហុងកុងលក់បានថ្លៃខ្ពស់បំផុតនៅអាស៊ី

• 15 ខែ​មករា 2018
• ព័ត៌មានសំណង់
• 5 មើល

អាផាតមិនប្រណិតមួយនៅទីក្រុងហុងកុងត្រូវបានលក់ក្នុងតម្លៃ ១៧,០០០ដុល្លារក្នុងមួយហ្វូតការ៉េ ដែលធ្វើឱ្យវាក្លាយជាអចលនទ្រព្យលំនៅឋានដែលថ្លៃបំផុតនៅអាស៊ី​។

អ្នកទិញមិនស្គាល់អត្តសញ្ញាណបានទិញអាផាតមិនពីរជាប់គ្នាក្នុងតម្លៃសរុបចំនួន ១.៦ប៊ីលានដុល្លារហុងកុង បំបែកកំណត់ត្រារបស់អាផាតមិនតូចជាងអាផាតមិនទាំងពីរត្រូវបានលក់ក្នុងតម្លៃ ៥៦០លានដុល្លារហុងកុង។

បច្ចុប្បន្នហុងកុងកំពុងមានការរីកចម្រើនយ៉ាងខ្លាំងក្នុងគ្រប់ផ្នែកទាំងអស់នៃវិស័យអចលនទ្រព្យ ជាពិសេសអគារពាណិជ្ជកម្មដែលមានអត្រានៅតែខ្ពស់បំផុតនៅលើពិភពលោក ហើយអគារលំនៅឋាន កំពុងបន្តបង្កើតកំណត់ត្រាតម្លៃថ្លៃ។ តម្លៃលំនៅឋានលំដាប់មធ្យមបានកើនឡើង ១១% គ្រាន់តែក្នុងរយៈពេល ១២ខែចុងក្រោយនេះ។

ការគណនាដោយ Knight Frank បានបង្ហាញថា សម្រាប់បុគ្គលដែលរកប្រាក់ចំណូលបានមធ្យមនៅហុងកុង គេអាចនឹងត្រូវចំណាយពេល ២,៧៤៥ឆ្នាំ ដើម្បីទិញអចលនទ្រព្យដែលបំបែកកំណត់ត្រាតម្លៃខ្ពស់បំផុត។