កោះបាលីអញ្ជើញដេញថ្លៃអាកាសយានដ្ឋានទី ២

• 10 ខែ​កក្កដា 2016
• ព័ត៌មានសំណង់
• 3 មើល

កោះទេសចរណ៍ដ៏ធំបំផុតរបស់ឥណ្ឌូនេស៊ី កោះបាលីមានបំណងសាងសង់ព្រលានយន្តហោះទីពីរ ដើម្បីទទួលភ្ញៀវទេសចរណ៍ទ្វេដងពី ១០ លាននាក់ក្នុងមួយឆ្នាំដល់ ២០ លាននាក់នៅឆ្នាំ ២០២៥។ ព្រលានយន្តហោះបច្ចុប្បន្នមានផ្លូវរត់តែមួយ និងអាចផ្ទុកភ្ញៀវពេញអស់ក្នុងពេលប្រាំឆ្នាំទៀត។

រដ្ឋាភិបាលរបស់កោះនេះកំពុងតែអញ្ជើញវិនិយោគិនក្នុងស្រុក និងបរទេសឲ្យមកសាងសង់អាកាសយានដ្ឋានទីពីរ ហើយរដ្ឋាភិបាលឥណ្ឌូនេស៊ីបានអះអាងថា វិនិយោគិនបរទេសឯកជនអាចជាម្ចាស់បានរហូតដល់ទៅ 49% នៃគម្រោងនេះ។

GCR បានរាយការណ៍ថា លោក Agus Santoso នាយកក្រសួងដឹកជញ្ជូននៅក្នុងបន្ទុកនៃការត្រួតពិនិត្យ ព្រលានយន្តហោះរបស់ឥណ្ឌូនេស៊ី បាននិយាយថាអ្នកវិនិយោគមួយចំនួនបានធ្វើការសិក្សាពីលទ្ធភាពអនុវត្តរួចរាល់ហើយ ប៉ុន្តែគ្មាននរណាម្នាក់បានសម្តែងការប្តេជ្ញាចិត្តខ្ពស់ដើម្បីដំណើរការនេះទេ។