ខុនដូសរុបជិត ១៣.០០០យូនីត នឹងលេចខ្លួនឡើងក្នុងឆ្នាំនេះ

22 ខែមីនា 2018
Uncategorized
3 មើល

បើយោងតាមរបាយការណ៍របស់ CBRE Cambodia នៅរាជធានីភ្នំពេញនឹងមានខុនដូយ៉ាងហោចណាស់ ១៧ កន្លែង ឬ សរុបប្រមាណ ១៣.០០០ យូនីតរំពឹងថានឹងបញ្ចប់ការសាងសង់ និងបើកដំណើរការក្នុងឆ្នាំ ២០១៨ នេះ។

ខុនដូទាំង ១៧ រួមមាន ៖ ខុនដូ Prince Central Plaza ខុនដូ One Park Residence ខុនដូ One 18 Residence ខុនដូ Star City ខុនដូ D.I. Riviera A&B ខុនដូ TK Royal One ខុនដូ Bodaiju Residence A&B ខុនដូ Axis Residence ខុនដូ North Park Condominium ខុនដូ Sky 31 ខុនដូ Sky Villa ខុនដូ The Bridge ខុនដូ The Penthouse ខុនដូ Diamond Twin Tower ខុនដូ Skylar by Meridien ខុនដូ Embassy Central និង ខុនដូ 352 Platinum.

ប្រសិនបើខុនដូចំនួន ១៣.០០០ យូនីតនេះបញ្ចប់តាមការរំពឹងទុក ដូច្នេះចំនួនយូនីតសរុបក្នុងទីផ្សារដែលនឹងបញ្ចាប់នៅចុងឆ្នាំ ២០១៨ នឹងកើនរហូតដល់ទៅ ២១.៦០០ យូនីត ហើយបើគិតជាភាគរយ វាកើនឡើង ១៥១ ភាគរយ បើប្រៀបធៀបទៅនឹងចំនួនបច្ចុប្បន្នដែលមានប្រមាណតែ ៨.៦០០ យូនីត។

ដោយសារតែបរិមាណដ៏ខ្ពស់នេះ CBRE បានប៉ាន់ប្រមាណថាបញ្ហាការផ្គត់ផ្គង់នឹងលើសពីតម្រូវការជាក់ស្តែង វាអាចនឹងកើតមានឡើងនៅក្នុងទីតាំងមួយចំនួន ប៉ុន្តែវាមិនរីករាលដាលទៅគ្រប់ទីតាំងនោះទេ។ ទន្ទឹមគ្នានេះដែរ តម្លៃខុនដូក៏រំពឹងថានឹងធ្លាក់ចុះប្រមាណ ១១ ភាគរយសម្រាប់ខុនដូតម្លៃទាប និង ៤ភាគរយ សម្រាប់ខុនដូតម្លៃមធ្យម។ ផ្ទុយទៅវិញ ក៏មានរឿងគួរឱ្យភ្ញាក់ផ្អើលផងដែរថា តម្លៃខុនដូប្រភេទ high-end នឹងកើនឡើងប្រមាណ ៣ភាគរយ។