គម្រោងសំណង់ជាង ១ពាន់គម្រោងតម្លៃជាង ២ ពាន់លានដុល្លារបានអនុម័តក្នុងឆមាសទី ១

• 20 ខែ​មិថុនា 2018
• Uncategorized
• 3 មើល

ក្នុងរយៈពេល ៦ខែដំបូងនៃឆ្នាំ២០១៨ គម្រោងប្រមាណជា ១ ៦៤៣ គម្រោងដែលមានតម្លៃប៉ានស្មានប្រមាណ២,១៥ ពាន់លានដុល្លារត្រូវបានអនុម័តអោយសាងសង់ក្នុងព្រះរាជាណាចក្រកម្ពុជា។នេះបើយោងតាមរបាយការណ៍ថ្មីមួយរបស់ក្រសួងរៀបចំដែនដី នគរូបនីយកម្មនិងសំណង់ដែលបានចេញផ្សាយកាលពីថ្ងៃទី ២៤ ខែ កក្កដា ឆ្នាំ២០១៨ កន្លងមកនេះ។

គម្រោងទាំងអស់នេះគឺមានផ្ទៃក្រឡាសំណង់សុរបប្រមាណជាង៥លានម៉ែត្រការ៉េដែលក្នុងនោះមាន២១គម្រោងឬស្មើនឹងផ្ទៃក្រឡាសំណង់សរុប៩២៨២៦៧ម៉ែត្រការ៉េគឺជាការវិនិយោគមកពីបរទេសក្រោមទុនវិនិយោគប្រមាណជាង ៣៩៤លានដុល្លារ។

ទន្ទឹមនឹងនេះ របាយការណ៍ដដែលបានអោយដឹងថា គម្រោងជាង ១ ពាន់គម្រោងខាងលើ បានផ្ដល់ការងារដល់អ្នកជំនាញ និងកម្មករដែលធ្វើការតាមការដ្ឋានសំណង់ទូទាំងប្រទេស ប្រមាណជាង ១៨ម៉ឺននាក់ក្នុងមួយថ្ងៃ ដែលអ្នកទាំងនោះទទួលបានប្រាក់ឈ្នួលប្រមាណពី ៤០០ដុល្លារ ទៅ ២ ៥០០ដុល្លារ ក្នុងមួយខែ។

ជាការពិតណាស ព័ត៌មានខាងលើគឺបានសបញ្ជាក់អំពីសក្កានុពលនៃវិស័យសំណង់ដែលបានចូលរួមចំណែកយ៉ាងខ្លាំងក្នុងកំណើនសេដ្ឋកិច្ចជាតិ។ បើយោងតាមរបាយការណ៍ របស់ធនាគារជាតិដែលចេញផ្សាយកាលពីពេលថ្មីៗនេះបានអោយដឹងថា វិស័យសំណង់បានរួមចំណែករហូតដល់ ១១,៥ ភាគរយនៃកំណើនសេដ្ឋកិច្ចជាតិ។ (អានបន្ថែម)

លើសពីនេះទៅទៀតវិស័យសំណង់បានផ្តល់ចំណូលជួនរាជរដ្ឋាភិបាលតាមរយៈ ពន្ធអាករនានា ដែលថវិកាទាំងអស់នេះ នឹងប្រើប្រាស់ក្នុងការអភិវឌ្ឍន៍ប្រទេសជាតិអោយកាន់តែរីកចម្រើន។(អានបន្ថែម)

• គម្រោងអភិវឌ្ឍន៍