ជប៉ុនផ្តល់ជំនួយ ៣០លានដុល្លាអាមេរិក សាងសង់រោងចក្រទឹកស្អាត ជូនប្រជាជននៅខេត្តកំពង់ធំ

• 28 ខែ​មីនា 2019
• ព័ត៌មានសំណង់
• 3 មើល

On 26 March 2019, H.E Cham Prasidh, Senior Minister and Minister of the Ministry of Industry and Handicraft, and Mr Arakawa Noriyuki, Director of Kubota Construction Co., Ltd. signed a framework agreement for the expansion of the water supply system and c

រាជរដ្ឋាភិបាលជប៉ុន បានផ្តល់ជំនួយហិរញ្ញប្បទានឥតសំណងចំនួន ៣០លានដុល្លារអាមេរិក ដល់ក្រសួងឧស្សាហកម្ម និងសិប្បកម្ម សម្រាប់គម្រោងពង្រីកសមត្ថភាពប្រព័ន្ធផ្គត់ផ្គង់ទឹកស្អាតនៅខេត្តកំពង់ធំ។ នេះបើយោងតាមការចុះផ្សាយរបស់ក្រសួងឧស្សាហកម្ម និងសិប្បកម្ម កាលពីថ្ងៃទី ២៧ ខែមីនា ឆ្នាំ២០១៩។

កាលពីថ្ងៃទី ២៦ ខែមីនា ឆ្នាំ ២០១៩ នៅទីស្តីការក្រសួង មានការចុះហត្ថលេខរវាង ឯកឧត្តមកិតិ្តសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្រ្តីក្រសួងឧស្សាហកម្ម និងសិប្បកម្ម ជាមួយនឹងលោក Noriyuke Arakava ប្រធានក្រុមហ៊ុន គូបូតា( Kubota Construction Co.,Ltd.) ស្តីពីកិច្ចព្រមព្រៀងលើគម្រោងពង្រីកប្រព័ន្ធផ្គត់ផ្គង់ទឹកស្អាត និងការសាងសង់រោងចក្រប្រព្រឹត្តកម្មទឹកស្អាត នៅខេត្តកំពង់ធំ។

យោងតាមកិច្ចព្រមព្រៀងខាងលើ គម្រោងពង្រីកសមត្ថភាពប្រព័ន្ធផ្គត់ផ្គង់ទឹកស្អាតក្នុងខេត្តកំពង់ធំ នឹងមានការសាងសង់ប្រព័ន្ធប្រព្រឹត្តកម្មទឹកស្អាតមានអនុភាពផលិតទឹកស្អាត ៧៥០០ម៉ែត្រគូប ក្នុងមួយថ្ងៃ ហើយមានបណ្តាញ ចែកចាយប្រមាណ ១៥២គីឡូម៉ែត្រ។

យោងតាមប្រភពដដែល គម្រោងខាងលើនេះមិនទាន់បានបញ្ជាក់ទីតាំង និងកំណត់កាលបរិច្ឆេទក្នុងការសាងសង់ច្បាស់លាស់នៅឡើយទេ។

ឯកឧត្តមកិតិ្តសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ បានមានប្រសាសន៏ថា៖ «រាជរដ្ឋាភិបាល កម្ពុជាមានគោលបំណងផ្គត់ផ្គង់ទឹកស្អាត រហូតដល់តំបន់ជនបទ ដោយនៅឆ្នាំ ២០២៣ ត្រូវសម្រេចឲ្យបាន ៩០ភាគរយ នៃទឹកស្អាតនៅទីប្រជុំជន ហើយនៅឆ្នាំ ២០២៥ គឺត្រូវសម្រេចទៅតាមផែនការឲ្យបានមួយរយភាគរយ។

គួរបញ្ជាក់ផងដែរថា បច្ចុប្បន្នកម្ពុជាគ្រោងនឹងធ្វើរោងចក្រផលិតទឹកស្អាតដែលមានតម្លៃ ៣៥០លានដុល្លារអាមេរិក ដែលកំពុងដាក់អោយដេញថ្លៃ ដែលគម្រោងនេះអាចផ្តល់ទឹកស្អាត ៤០ម៉ឺនម៉ែត្រគូបក្នុងមួយថ្ងៃ សម្រាប់ផ្គត់ផ្គង់ដល់ការប្រើប្រាស់របស់ប្រជាជនចំនួន ៥ម៉ឺននាក់បន្ថែមទៀតទៅលើចំនួនអ្នកប្រើប្រាស់នាពេលបច្ចុប្បន្នក្នុងរាជធានីភ្នំពេញ។ អានបន្ថែម

Cambodia-Singapore signed a framework agreement for the expansion of the water supply system and construction of a water treatment plant in Kampong Thom.

• គម្រោងអភិវឌ្ឍន៍
• បច្ចេកវិទ្យា និងវិស្វកម្ម