ប្រាក់ចំនេញក្រុមហ៊ុន Komatsu មានការធ្លាក់ចុះយ៉ាងខ្លាំង

• 4 ខែ​តុលា 2016
• Uncategorized
• 3 មើល

ក្រុមហ៊ុនផលិតសំណង់របស់ជប៉ុន Komatsu បានឃើញប្រាក់ចំនេញ មានការធ្លាក់ចុះយ៉ាងខ្លាំង ដល់ទៅ ៥២% ក្នុងត្រីមាសទី ២ ឆ្នាំ ២០១៦ នេះ បើប្រៀបធៀបទៅនឹងកំលុងពេលដូចគ្នាកាលពីឆ្នាំ ២០១៥ ដែលបណ្តាលមកពី ការធ្លាក់ចុះនៃសេដ្ឋកិច្ចពិភពលោក និងការឡើង ថ្លៃប្រាក់យ៉េន របស់ ជប៉ុនយ៉ាងខ្លាំង។

ប្រាក់ចំនេញនៅអាស៊ី (មិនរាប់បញ្ចូលចិន និងជប៉ុន) បានធ្លាក់ចុះ ២៣.៥%។ មជ្ឈិមបូព៌ា (៤៧%) និងអាហ្រ្វិច (៣៥%) ជាតួលេខធ្លាក់ចុះខ្លាំងបំផុត។ កំណើនសេដ្ឋកិច្ចយឺត និងការធ្លាក់ ចុះតម្លៃប្រេង និងលោហៈ បានធ្វើឲ្យមានការថយចុះ ជាសាកលក្នុងវិស័យសំណង់ និងគ្រឿងចក្រ រុករករ៉ែ ដែលកាន់តែធ្ងន់ធ្ងរដោយសារ កំណើនថ្លៃប្រាក់យ៉េន។

ក្រុមហ៊ុន Komatsu មិនមែនជាអ្នកផលិតសម្ភារៈ បរិក្ខារតែមួយដែល រងគ្រោះនោះទេ គឺជាមួយ ក្រុមហ៊ុន Caterpillar Inc. និង Hitachi Construction ដែលមានការព្យាករណ៍ឃើញ មានការថយចុះ ប្រាក់ចំនេញយ៉ាងខ្លាំងផងដែរ នាឆ្នាំ ២០១៦ នេះ។