English 
ខ្មែរ 
រចនាប័ទ្មក្នុងការតុបតែងពន្លឺតាមបែបបារាំង
ក្រុមហ៊ុនលក់រាយលំដាប់ខ្ពស់ដែលលក់នូវឧបករណ៍បំភ្លឺបារាំងដែលជាម៉ាកនាំមុខគេ គឺជាការបន្ថែមថ្មីមួយទៅក្នុងវិស័យតុបតែងអចលនទ្រព្យដែលកំពុងរីកចម្រើនខ្លាំងនៅកម្ពុជា។ ក្នុងបទសម្ភាសន៍ផ្តាច់មុខ លោក Kollian Koy សហស្ថាបនិក និងជានាយកប្រតិបត្តិនៃក្រុមហ៊ុន Maison Bienvenue បានពន្យល់អំពីរបៀបដែលក្រុមហ៊ុនគ្រោងផ្លាស់ប្តូរការយល់ដឹងនៅក្នុងទីផ្សារអំពីគុណភាព ហត្ថកោសល្យ និងភាពស្រស់ស្អាតក្នុងការបំភ្លឺ។
តើអ្វីទៅជាជម្រុញឲ្យ Maison Bienvenue ចូលទៅក្នុងទីផ្សារកម្ពុជា?
Maison Bienvenue តំណាងឱ្យផលិតផលឧបករណ៍បំភ្លឺម៉ាកល្បី និងសំខាន់បំផុតរបស់បារាំងនៅទូទាំងពិភពលោក។ ដោយសារតែទំនាក់ទំនងយ៉ាងជិតស្និទ្ធជាប្រវត្តិសាស្ត្ររវាងប្រទេសបារាំង និងកម្ពុជា វាគ្រាន់តែជាការធម្មតាដែលធ្វើការនាំចូលមកនូវម៉ាកទាំងនោះមកកាន់ប្រទេសកម្ពុជា ដែលខ្វះខាតនូវឧបករណ៍បំភ្លឺទំនើបទាន់សម័យ ខណៈដែលមានការកើនឡើងនូវចំនួនលំនៅឋាន និងអចលនទ្រព្យពាណិជ្ជកម្ម។
តើក្រុមហ៊ុននឹងផ្គត់ផ្គង់ឧបករណ៍បំភ្លឺបែបណានៅក្នុងប្រទេសកម្ពុជា?
ក្រុមហ៊ុន Maison Bienvenue ផ្តល់ជូននូវផលិតផលឧបករណ៍បំភ្លឺទំនើបៗជាច្រើនប្រភេទរបស់បារាំងដូចជា អំពូលគ្រីស្តាល់ ប៉ូសឺឡែន អំពូលស្រោបមាស និងដែក ២៤ការ៉ាត់ និងអំពូលល្អៗជាច្រើនទៀត ដូចជា ទង់ដែង ស្ពាន់ នីកែល ឬក្រានីត។
តើមានអ្វីដែលធ្វើឲ្យផលិតផលឧបករណ៍បំភ្លឺរបស់ក្រុមហ៊ុនលោកខុសពីម៉ាកផ្សេងទៀត?
ម៉ាកផលិតផលឧបករណ៍បំភ្លឺរបស់ប្រទេសបារាំងដែលនាំមកដោយ Maison Bienvenue គឺជាផលិតផលហត្ថកម្មនៅក្នុងប្រទេសបារាំងដោយស្របតាមភាពជំនាញជាប្រវត្តិសាស្ត្រ និងធានាភាពត្រឹមត្រូវ និងគុណភាព ប៉ុន្តែអ្វីដែលសំខាន់បំផុតនោះគឺការគោរពបទដ្ឋានអ៊ឺរ៉ុបដែលស្ថិតក្នុងចំណោមបទដ្ឋានដែលហ្មត់ចត់បំផុតនៅក្នុងពិភពលោក។
ផលិតផលនីមួយៗនៅក្នុងម៉ាករបស់យើងមានលក្ខណៈពិសេស រចនាប័ទ្ម និងការឆ្នៃប្រឌិតរបស់វារៀងៗខ្លួន។
ចំពោះផលិតផល Baccarat ក្រុមហ៊ុនផ្តល់ជូននូវអំពូលភ្លើងគ្រីស្តាល់ប្រណិតបំផុតនៅក្នុងពិភពលោក។ ចំពោះផលិតផល TISSERANT ក្រុមហ៊ុនផ្តល់ជូននូវអំពូលភ្លើងសំរឹទ្ធដែលល្អបំផុតដោយមានស្រោបមាស ២៤ការ៉ាត់។ ចំពោះផលិតផល LUCIEN GAU ក្រុមហ៊ុនផ្តល់ជូននូវអំពូលភ្លើងសំរិទ្ធម៉ូតបារាំងយ៉ាងល្អវិសេសជាច្រើន។
យើងប្រើប្រាស់គ្រីស្តាល់ BOHEMIAN ឬថ្មគ្រីស្តាល់ អាស្រ័យលើម៉ូដែលរបស់ផលិតផលយើង។ ចំពោះផលិតផល BERNARDAUD យើងប្រើវិធីសាស្ត្រប្រកបដោយភាពច្នៃប្រឌិត និងសិល្បៈ ដោយការប្រើអំពូលភ្លើងប៉ូសឺឡែន សម្រាប់អ្នកដែលស្រឡាញ់សិល្បៈ។ ចុងក្រោយចំពោះផលិតផល CVL យើងដាក់ជូននូវជម្រើសនៃការរចនាម៉ូដបែបទំនើបដោយដៃនៅក្នុងប្រទេសបារាំងសម្រាប់ការតុបតែងខាងក្នុងបែបសហសម័យ រួមមានគម្រោងលំនៅឋាន ឬអគារពាណិជ្ជកម្ម។
តាមរយៈម៉ាកទាំងនេះ ក្រុមហ៊ុនមាននូវគ្រប់តម្លៃ និងប្រភេទនៃតម្រូវការ។
តើអ្វីទៅជាផលប្រយោជន៍ និងបទពិសោធ ដែលអ្នកទិញអាចរំពឹងទទួលបាននៅពេលពួកគេជ្រើសរើសយកម៉ាកផលិតផលរបស់ក្រុមហ៊ុនលោក?
ម៉ាកដែលនាំមកដោយក្រុមហ៊ុន Maison Bienvenue គឺជាម៉ាកប្រវត្តិសាស្ត្រ (Baccarat – ២៥០ ឆ្នាំ, Bernardaud – ១៥០ ឆ្នាំ Lucien Gau – ១៥៦ ឆ្នាំ ជាដើម) ដែលផ្តល់ជូននូវផលិតផលដែលត្រូវបានរចនាឡើងមានភាពល្បីរយៈពេលយូរ និងត្រូវបានទទួលស្គាល់នៅទូទាំងពិភពលោក។ ផលិតផលរបស់ក្រុមហ៊ុន មានភាពស្រស់ស្អាតរហូត និងមិនអាចមានផលិតផលណាប្រៀបធៀបជាមួយបានផ្នែកគុណភាព។ នៅក្នុងអគារតាំងបង្ហាញនៅក្នុងរាជធានីភ្នំពេញ យើងផ្តល់នូវការស្វាគមន៍ជាលក្ខណៈឯកជន និងផ្ទាល់ខ្លួន ហើយយើងធានានូវការយល់ដឹងយ៉ាងល្អឥតខ្ចោះនៃផលិតផល និងម៉ាករបស់យើង។ ដំបូន្មានរបស់យើងឆ្លើយតបទៅនឹងតម្រូវការរបស់អតិថិជនរបស់យើង និងគម្រោងនីមួយៗ។ ផលិតផលនីមួយៗរបស់យើង អាចត្រូវបានបញ្ចូលទៅក្នុងការបង្ហាញជាលក្ខណៈ 3D សម្រាប់ការសម្រេចចិត្តនៅក្នុងបរិបទរបស់អតិថិជនម្នាក់ៗ។ ចំពោះអតិថិជនដែលមានតម្រូវការ យើងអាចផលិតនូវឧបករណ៍បំភ្លឺតាមតម្រូវការរបស់អតិថិជន ដោយមានជម្រើសសម្ភារ ពណ៌ និងភាពល្អវិសេសជាច្រើនជម្រើស។
ចុងក្រោយ យើងធានាលើទំនាក់ទំនងដោយផ្ទាល់ជាមួយក្រុមហ៊ុនរបស់យើងដែលមានន័យថា មានតម្លៃប្រកួតប្រជែងនៅក្នុងការចែកចាយ និងតម្លើងនៅក្នុងប្រទេសកម្ពុជា និងការផ្តល់សេវាកម្មបន្ទាប់ពីការលក់ ព្រមទាំងការផ្តល់នូវគ្រឿងបន្លាស់សម្រាប់ផលិតផលនីមួយៗរបស់ក្រុមហ៊ុនយើង។
តើនរណាជាអតិថិជនគោលដៅរបស់ក្រុមហ៊ុនលោកនៅក្នុងប្រទេសកម្ពុជា? តើលោកមានបំណងកំណត់យកគម្រោងអភិវឌ្ឍន៍អចលនទ្រព្យជាអតិថិជនគោលដៅដែរឬទេ? ប្រសិនបើមានកំណត់យក តើប្រភេទណាដែរ?
អតិថិជនរបស់យើងរួមមាន ក្រុមអ្នកមានដែលចង់ព្យួរចង្កៀងជាប់ពិតាននៅក្នុងគម្រោងផ្ទះរបស់ពួកគេ។ តាមរយៈផលិតផលរបស់យើង អតិថិជនអាចបង្ហាញពីចំណូលចិត្ត និងភាពខុសគ្នារបស់ពួកគេស្របតាមឋានៈរបស់ខ្លួននៅក្នុងសង្គម។ ម្យ៉ាងទៀត យើងចរចារជាមួយអតិថិជនដែលប្រកបរបរវិជ្ជាជីវៈដែលកំពុងតែស្វែងរកផលិតផលមានគុណភាពស្របតាមស្តង់ដារអឺរ៉ុប។ ដូច្នេះហើយទើបយើងផ្តល់នូវឧបករណ៍បំភ្លឺ CVL ដែលការរចនាបែបសហសម័យរបស់ផលិតផលនេះឆ្លើយតបទៅនឹងតម្រូវការនៃការរចនាផ្ទៃខាងក្នុងសម្រាប់ខុនដូ បុរី គម្រោងពាណិជ្ជកម្ម និងសណ្ឋាគារជាដើម។ ចង្កៀងព្យួរពិតានម៉ាក Baccarat និង Tisserant ក៏ត្រូវបានយកទៅបំពាក់នៅក្នុងគម្រោងសណ្ឋាគារប្រណិតលំដាប់ផ្កាយ ៥ ជាច្រើននាពេលខាងមុខនៅក្នុងប្រទេសកម្ពុជាផងដែរ ដែលធ្វើឲ្យហាក់ក្លាយជាវិមានប្រកបដោយកិត្យានុភាពនៃពិភពលោក។
តើក្រុមហ៊ុននឹងមានផ្តល់ជូននូវសេវាកម្មរចនាភ្លើងបំភ្លឺជាមួយនិងការលក់ផលិតផលនៅក្នុងប្រទេសកម្ពុជាដែរឬទេ?
ក្រុមហ៊ុន Maison Bienvenue ធ្វើការផ្គត់ផ្គង់អតិថិជនជាបុគ្គល ព្រមទាំងអតិថិជនជាអ្នកវិជ្ជាជីវៈ ដោយផ្តល់នូវជម្រើសឧបករណ៍បំភ្លឺស្របទៅនឹងគម្រោងរបស់ពួកគេ (ស្ទាយ ចំនួនអំពូលភ្លើង ទីតាំង ទំហំ ពណ៌ ជាដើម)។ Masison Bienvenue ក៏ផ្តល់ជូននូវសេវាអតិថិជនលើផលិតផលដែលមានស្រាប់ និងសេវាកម្មផ្ទាល់ខ្លួនផងដែរ។
តើលោកធ្វើការវាយតម្លៃបែបណាលើគុណភាពបច្ចុប្បន្ន ប្រភេទ និងជម្រើសនៃការផ្តល់ជូនរបស់ក្រុមហ៊ុននៅលើទីផ្សារឧបករណ៍បំភ្លឺនៅក្នុងប្រទេសកម្ពុជា?
ទីផ្សារកម្ពុជាត្រូវបានកំណត់លក្ខណៈដោយការផ្គត់ផ្គង់នូវឧបករណ៍បំភ្លឺតំលៃថោកជាច្រើន ដែលផលិតនៅប្រទេសចិន ហើយដែលជាញឹកញាប់មានការចម្លងពីម៉ូដបារាំង ឬអ៊ីតាលី ដែលមិនមានបញ្ជាក់សញ្ញានៃក្រុមហ៊ុនផលិតផលដើម។
ទីផ្សារកម្រិតទាបនៅក្នុងប្រទេសកម្ពុជា គឺឧបករណ៍បំភ្លឺធ្វើពីកញ្ចក់ (ប៉ុន្តែខ្លះហៅខុសថាជាគ្រីស្តាល់) ឬគ្រីស្តាល់សំយោគ (ប្លាស្ទិចគីមីដែលស្រអាប់ពេលត្រូវជាមួយនឹងពន្លឺ) ចំណែកទីផ្សារកម្រិតកណ្តាលគឺ គ្រីស្តាល់Bohemian (តំលៃសមរម្យអាចប្រើប្រាស់បាន ប៉ុន្តែមានការធានាដែលមានកំណត់ត្រឹមមួយឆ្នាំ) ហើយទីផ្សារកម្រិតខ្ពស់គឺ ម៉ាកផលិតផលឧបករណ៍បំភ្លឺរបស់ក្រុមហ៊ុន Maison Bienvenue (គ្រីស្តាល់ Baccarat របស់បារាំងដោយមានការធានាមួយជីវិត ឬស្រោបទឹកមាស ២៤ការ៉ាត់ ដោយលាបថ្នាំការពារ epoxy សម្រាប់ការប្រើប្រាស់រយៈពេលវែង)។
នៅក្នុងទីផ្សារកម្រិតខ្ពស់នេះ Masion Bienvenue គឺជាម៉ាកតែមួយគត់នៅក្នុងប្រទេសកម្ពុជា និងនៅតំបន់អាស៊ីអាគ្នេយ៍នាពេលបច្ចុប្បន្ននេះ ដែលផ្តល់ជូននូវផលិតផលបំភ្លឺក្នុងគុណភាពកម្រិតនេះ ជាផលិតផលផលិតដោយដៃនៅប្រទេសបារាំង ហើយផ្តល់នូវការបំភ្លឺនៅក្នុងគ្រីស្តាល់ ឬក្នុងមាស ២៤ ការ៉ាត់ ដោយគ្មានគូប្រកួតប្រជែងបាន។
ដោយផ្អែកលើបទពិសោធជាសកលរបស់លោក តើអ្វីជាបញ្ហាសំខាន់ទាក់ទងទៅនឹងការបំភ្លឺនៅក្នុងអគារនៅក្នុងប្រទេសកម្ពុជា ហើយអ្វីដែលគេអាចធ្វើបានដើម្បីដោះស្រាយបញ្ហានេះ?
គុណភាពនៃការបំភ្លឺដែលត្រូវបានប្រើនៅក្នុងគម្រោងនាពេលបច្ចុប្បន្ននៅប្រទេសកម្ពុជា មិនអាចយល់បាននោះទេ។ អ្នកអភិវឌ្ឍន៍ គ្រាន់តែគិតពីការបំភ្លឺ តាមទៅមុខងារធម្មតាប៉ុណ្ណោះ។ មែនទែនទៅ ប្រតិបត្តិករមានថវិកាតិចតួចណាស់សម្រាប់ឧបករណ៍បំពាក់ រួមទាំងឧបករណ៍បំភ្លឺផងដែរ។ ពួកគេពឹងផ្អែកលើការរចនា និងការទំនាក់ទំនងដើម្បីឲ្យគម្រោងរបស់ខ្លួនស្ថិតនៅក្នុងទីផ្សារលំដាប់ខ្ពស់ ឬទីផ្សារប្រណីត។
ផ្ទុយមកវិញ យើងគិតថាការបំភ្លឺត្រូវតែជាផ្នែកមួយនៃការរចនាជារួម ព្រោះវាបាននាំមកនូវសោភ័ណភាព និងការបង្កើនគុណភាពនៃគម្រោង។
ឧទាហរណ៍ គម្រោងជាច្រើនមានឈ្មោះជាបារាំង ដោយសារតែប្រទេសបារាំងនៅតែជាឈ្មោះដែលបង្ហាញពីគុណភាព ការសម្រិតសម្រាំង និងកិត្យានុភាព។ ពាក្យថាបារាំង និងគុណភាពបារាំង ធ្វើឲ្យការលក់កាន់តែល្អប្រសើរ។ ប្រសិនបើពួកគេដាក់គំនិតជាមួយនិងភាពប្រណីតរបស់បារាំងនេះ យើងគិតថា ក្រុមហ៊ុនអភិវឌ្ឍន៍ត្រូវទៅឆ្ងាយបន្ថែមទៀតនៅក្នុងវិធីសាស្ត្ររបស់ខ្លួន និងត្រូវរួមបញ្ចូលឧបករណ៍បំភ្លឺម៉ាកបារាំងមួយចំនួននៅក្នុងគម្រោងរបស់ខ្លួន។
យើងជឿថាវាគឺជាការចាំបាច់ដើម្បីឱ្យមានស្ថិរភាពជាទូទៅមួយចំនួន ដើម្បីឲ្យអតិថិជននៃគម្រោងទាំងនេះទុកចិត្តមិនមែនត្រឹមតែលើអ្វីដែលពួកគេឮ ប៉ុន្តែលើអ្វីដែលពួកគេមើលឃើញ និងបានប៉ះផងដែរ។