English 
ខ្មែរ 
សុវត្ថិភាពជាចម្បង ៖ វាយតម្លៃបេតុងនៅក្នុងការប្រើប្រាស់
ដោយលោក លឹម អេងហេង (នាយកប្រតិបត្តិ និងជាប្រធានមន្ត្រីប្រតិបត្តិ) សាខារបស់ CAST Laboratories Pte. Ltd.។
វិស្វករត្រូវការវាយតម្លៃស្ថានភាពនៃបេតុងនៅក្នុងគ្រឿងបង្គុំអគារពេលកំពុងសាងសង់ ដោយហេតុផលមួយចំនួនដែលរួមមានការអង្កេតលើសញ្ញាគ្រោះថ្នាក់ និងការត្រួតពិនិត្យគុណភាពលើរចនាសម្ព័ន្ធអគារថ្មី ការវាយតម្លៃសម្រាប់ការផ្លាស់ប្តូរការតាំងបង្ហាញ និងការថែទាំជាប្រចាំ។
គោលបំណងសំខាន់នៃការពិនិត្យលើគ្រឿងបង្គុំនៃអគារ គឺដើម្បីកំណត់ស្ថានភាពនៃរចនាសម្ព័ន្ធអគារនោះ និងសមាសភាគរបស់វាដោយទាក់ទងនឹងស្ថានភាពរបស់វាក្នុងពេលបច្ចុប្បន្ន និងអនាគត។ វាក៏ផ្តល់នូវព័ត៌មានបន្ថែមទាក់ទងនឹងសេចក្ដីលម្អិតដើម្បីកំណត់ពីវិសាលភាព និងមូលហេតុនៃភាពខ្វះចន្លោះដែលមើលឃើញនៅក្នុងសមាសធាតុបេតុងដែលរឹងមាំ។ ការសាកល្បងមួយត្រូវបានធ្វើឡើងដើម្បីរួមបញ្ចូលករណីសិក្សាធម្មតាលើការវាយតម្លៃគ្រឿងបង្គុំចាស់ដែលមានស្រាប់ដែលបង្ហាញពីសញ្ញានៃការខូចបេតុង ហើយនិងការឡើងច្រេះ។
ប្រភេទនៃការអង្កេតទាំងនេះបានក្លាយទៅជាផ្នែកដ៏មានសារៈសំខាន់អស់រយៈពេលជាច្រើនឆ្នាំមកហើយ។ ចំនួននៃការខូចខាតរចនាសម្ព័ន្ធអគារមានការកើនឡើង ដូចនេះតម្រូវឲ្យមានការបង្កើតនូវវិធីសាស្ត្រធ្វើតេស្តជាប្រព័ន្ធសម្រាប់ការវិនិច្ឆ័យ និងការវាយតម្លៃលើអគារដែលមានស្រាប់មួយ។
តម្រូវការសម្រាប់ការអង្កេតរចនាសម្ព័ន្ធអគារអាចមកពីចំណុចណាមួយខាងក្រោម ឬចំណុចច្រើនបញ្ចូលគ្នា៖
លក្ខខណ្ឌតម្រូវតាមច្បាប់ ឬការត្រួតពិនិត្យសុវត្ថិភាព
ការផ្លាស់ប្តូរកម្មសិទ្ធិ
ការផ្លាស់ប្តូរការប្រើប្រាស់
ភាពមិនប្រក្រតី ឬការខូចខាតដែលអាចមើលឃើញ
ការត្រួតពិនិត្យតាមកាលកំណត់ដែលជាផ្នែកមួយនៃផែនការថែទាំ
ការបន្ថែម និងការកែសម្រួលទៅលើអគារ
ការធ្វើឲ្យសមស្របសម្រាប់គោលបំណងថ្មី
ជាទូទៅការវាយតម្លៃត្រូវបានអនុវត្តនៅក្នុងដំណាក់កាលផ្សេងគ្នា ដើម្បីឱ្យមានលក្ខណៈពិតច្បាស់លាស់កាន់តែច្រើនឡើង។ នេះជាដំណាក់កាលសំខាន់ចេញមកពីដំណាក់កាលផ្សេងគ្នាដែលត្រូវបានសង្ខេបនៅក្នុងតារាងខាងក្រោម:
ដំណាក់កាលទី១
គោលបំណង
ជំហាន
ការពិនិត្យមើលដោយភ្នែក
ការពិនិត្យមើលលើអគារ, គំនូសបង្ហាញពីភាពមិនប្រក្រតីត្រូវបានធ្វើឡើងយ៉ាងមានប្រសិទ្ធិភាព ស្របតាមគោលការណ៍
ដើម្បីស្វែងយល់ពីលក្ខណៈនៃគ្រឿងបង្គុំអគារ
ដើម្បីជ្រើសរើសផ្នែកដែលត្រូវអង្កេតមើល ចំណុចដែលត្រូវធ្វើតេស្ត និងការធ្វើគំរូ
ការប្រមូលព័ត៌មានពីមុនៗ
ការធ្វើអធិការកិច្ចដោយភ្នែក និងការធ្វើឯកសារជារូបភាព
ការរៀបចំនូវតារាងនៃភាពមិនប្រក្រតី
ដំណាក់កាលទី២
ការធ្វើអង្កេតលំអិត
ដើម្បីទទួលបានទិន្នន័យដែលអាចជឿជាក់បាន និងគ្រប់គ្រាន់ សម្រាប់ការវាយតម្លៃលើរចនាសម្ព័ន្ធអគារប្រកបដោយទំនុកចិត្តខ្ពស់
ការធ្វើតេស្តដែលមិននាំមកនូវការខូចខាត
ការធ្វើតេស្តលើទម្រង់ខាងក្រៅ និងការធ្វើតេស្តគីមី
ការយកគំរូពីកន្លែងផ្ទាល់ និងការធ្វើតេស្តបន្ទាប់នៅក្នុងកន្លែងពិសោធន៍
ការបកស្រាយលទ្ធផល
ដើម្បីប្រើប្រាស់នូវលទ្ធផលដែលបានកត់ត្រាទុក និងដែលបានអង្កេត សម្រាប់ការវាយតម្លៃពីស្ថានភាពបច្ចុប្បន្នរបស់រចនាសម្ព័ន្ធអគារដោយផ្តោតជាពិសេសតាមតម្រូវការរបស់អតិថិជន
ការវាយតម្លៃលើផ្នែកដែលមានគ្រោះថ្នាក់ ឬការខូចខាតនៅក្នុងអគារ
អនុសាសន៍
ដើម្បីផ្តល់យោបល់លើអ្វីដែលត្រូវធ្វើសកម្មភាពបន្ថែមដែលចាំបាច់សម្រាប់ការជួសជុល ការពង្រឹងគុណភាពសំណង់ ព្រមទាំងការអង្កេត និងការពិនិត្យលំអិតបន្ថែមជាច្រើនទៀត ។
ករណីសិក្សាទី ១ ៖ ការវាយតំលៃលើអគារកំពស់ ២ ជាន់ដែលត្រូវបានប្រើជារោងមហោស្រព
ការអង្កេតនេះត្រូវបានបែងចែកជាពីរដំណាក់កាលដូចខាងក្រោម៖
ដំណាក់កាលទី ១ ៖ ចំណុចដែលត្រូវយកចិត្តទុកដាក់គឺការអង្កេតជាសកលលើរចនាសម្ព័ន្ធសំណង់ដោយផ្អែកលើការពិនិត្យនឹងភ្នែកលើភាពមិនប្រក្រតី។ ទីតាំងនៃអគារ និងបរិស្ថានជុំវិញក៏ត្រូវវិភាគផងដែរ ព្រោះតែឥទ្ធិពលនៃបរិស្ថាន។
ការសិក្សាជារួម រួមមានការពិនិត្យមើលលើគំនូសសំណង់ដែលមានស្រាប់ប្រសិនបើមាន ការពិនិត្យលើការប្រើប្រាស់កន្លងមក និងបច្ចុប្បន្ន ការកែសម្រួល ការជួសជុលកែលម្អ ឬការងារជួសជុល ព្រមទាំងលក្ខខណ្ឌ និងតម្រូវការបច្ចុប្បន្នរបស់អតិថិជន ឧទាហរណ៍ ការផ្លាស់ប្តូរនៃការផ្ទុក/ការប្រើប្រាស់ប្រសិនបើមាន។
នៅពេលដែលកិច្ចការខាងលើនេះត្រូវបានធ្វើហើយ ការជ្រើសរើសផ្នែកសម្រាប់ការធ្វើតេស្តអាចត្រូវបានកំណត់។
ដំណាក់កាលទី ២ ៖ ដំណាក់កាលនេះផ្ដល់នូវព័ត៌មានចាំបាច់សម្រាប់ការវាយតម្លៃលើរចនាសម្ព័ន្ធអគារ។ វិធីសាស្ត្រ និងបច្ចេកទេសដែលមានភាពខុសគ្នាសម្រាប់ការធ្វើតេស្តដែលមិនផ្តល់ការខូចខាត និងការធ្វើតេស្តដែលមានការខូចខាតខ្លះ អាចយកមកប្រើសម្រាប់ការធ្វើតេស្តធាតុនៃគ្រឿងបង្គុំសំណង់ជាច្រើន រួមទាំងបង្គុំទម្រអគារផងដែរ។ បច្ចេកទេសទាំងនេះត្រូវបានគូសបញ្ជាក់ដូចខាងក្រោម ៖
Cover Meter Survey
ប្រើញញួរគោះ
ការធ្វើតេស្តសំខាន់ៗ
Windsor Probe Test
ការធ្វើតេស្តកាបូន
ការធ្វើតេស្តល្បឿនរលកសំលេង Ultrasonic សម្រាប់ការចង់ដឹងពីអាយុកាល គុណភាព និងឯកសណ្ឋានភាពនៃបេតុង
ការស្រូបយកទឹកនៅលើគំរូស្នូល
ការវិភាគគីមីលើគំរូបេតុង
គុណភាពលក្ខណៈខាងក្រៅនៃរបាររឹង
ការធ្វើតេស្តពី Corrosion Probability លើរបាររឹង
ការអង្កេតរណ្តៅពិសោធន៍សម្រាប់ប្រភេទ និងទំហំនៃគ្រឹះ ជាដើម
ការធ្វើតេស្ត Plate Load ដើម្បីមើលពីសមត្ថភាពទម្រនៃដី
ការរួមបញ្ចូលគ្នានៃការធ្វើតេស្ត គឺជាផ្នែកសំខាន់នៃការធ្វើអង្កេតដើម្បីបង្កើតគុណភាពសម្ភារ។ ជាឧទាហរណ៍ លទ្ធផលនៃការធ្វើតេស្តស្នូលពីភាពសមស្របរបស់ UPV។ ពេលដែលការងារនៅការដ្ឋាន និងការធ្វើតេស្តនៅមន្ទីរពិសោធន៍ត្រូវបានបញ្ចប់ លទ្ធផលដែលទទួលបានពីការងារអង្កេតនេះត្រូវបានសិក្សាដោយប្រុងប្រយ័ត្នដើម្បីទទួលបានការបញ្ជាក់ពីគុណភាពសម្ភារ។
កន្លែងដែលសញ្ញានៃការកាត់ ឬស៊ី ត្រូវបានមើលឃើញនោះ វាទំនងជាមានសកម្មភាពកាត់ ឬស៊ី នៅផ្នែកផ្សេងទៀតនៃគ្រឿងបង្គុំអគារ ហេតុនេះនៅពេលដែលសញ្ញានៃការកាត់ឬស៊ីកើតមាននៅក្នុងគ្រឿងបង្គុំអគារ ការធ្វើតេស្តដូចខាងក្រោមនេះជាធម្មតាត្រូវបានធ្វើឡើងដើម្បីវិនិច្ឆ័យលើបញ្ហានេះ ៖
ជម្រៅនៃការគ្របដណ្តប់
ជម្រៅកាបូន
កម្រិត ឬភាគ Chloride
ដង់ស៊ីតេបេតុង
ការជ្រាបទឹកនៃបេតុង
កម្រិត ឬភាគស៊ីម៉ង់ត៍
កម្លាំងបេតុង និងដែកថែប
ការធ្វើគំនូសពីភាពដែលអាចកើតមានការកាត់ ឬស៊ី
កម្រិតស៊ុលផាតនៅក្នុងបេតុង
សេចក្តីសន្និដ្ឋាន និងអនុសាសន៍នឹងត្រូវបានធ្វើឡើងដោយផ្អែកលើលទ្ធផលនៃការធ្វើតេស្តនេះ។ លើសពីនេះទៀត សេចក្តីបញ្ជក់នឹងត្រូវបានធ្វើសម្រាប់អ្វីដែលជាសកម្មភាពចាំបាច់ត្រូវធ្វើក្នុងពេលខាងមុខ ឧទាហរណ៍ ការជួសជុល ការពង្រឹង ឬការត្រួតពិនិត្យតាមកាលកំណត់ដើម្បីចាត់វិធានការបំបាត់ការខូចខាត។
ដូច្នេះ ការអង្កេតលើធាតុនៃរចនាសម្ព័ន្ធអគារដែលមានស្រាប់ អនុញ្ញាតឱ្យវិស្វករបង្កើតនូវភាពរឹងមាំរបស់រចនាសម្ព័ន្ធអគារ សមត្ថភាពផ្ទុក យួរនូវធាតុផ្សេងៗ ព័ត៌មានលម្អិតពីប្លង់ខាងក្រៅ និងស្ថានភាពនៃសមាសភាគអគារ។